អេហ្ស៊ីប៖ ទីក្រុងអេហ្ស៊ីបបុរាណមួយកន្លែងត្រូវបានរកឃើញដោយអ្នកបុរាណវិទូមួយក្រុមដែលដឹកនាំដោយលោក Zahi Hawass ។ ទីក្រុងនេះមានទីតាំងស្ថិតនៅក្បែរនឹង Luxor និងមានចម្ងាយពីរាជធានី Cairoប្រមាណ480គីឡូម៉ែត្រ ។
លោក Betsy Brian ដែលជាសាស្រ្តចារ្យផ្នែកអេហ្ស៊ីបបុរាណនៃសកលវិទ្យាល័យ Johns Hopkins University បានហៅការរកឃើញនេះថា ជាភស្ថុតាងដ៏សំខាន់ក្នុងវិស័យបុរាណវិទ្យា ចាប់តាំងពីឆ្នាំ ១៩២២មកម្ល៉េះ ។ នៅក្នុងឆ្នាំ ១៩២២ អ្នកស្រាវជ្រាវបានរកឃើញនៅផ្នូរស្តេច Tut ក្នុងតំបន់ជ្រលងស្តេច (Valley of the Kings)។
លោក Hawassបានលើកឡើងថា៖ ទីក្រុងនេះកសាងឡើងនៅចុងខាងលិចនៃទន្លេនីលដែលជាតំបន់រដ្ឋបាលឧស្សាហកម្មដ៏សំខាន់មួយនៅក្នុងសម័យកាលស្តេចប៉ារ៉ាអុង នៃរាជវង្សទី១៨។
គម្រោងនៃការកំណាយនេះចាប់ផ្តើមនៅអំឡុងខែកញ្ញា ឆ្នាំ២០២០ ដោយស្រាវជ្រាវលើទីតាំងទូលបុរាណមួយដែលគេដឹងថាជាផ្នូររបស់សេ្តច Tutankhamun។ អំឡុងពេលនៃការធ្វើកំណាយនោះ អ្នកស្រាវជ្រាវមានការភ្ញាក់ផ្អើលជាមួយនឹងការរកឃើញរបកគំហើញថ្មី ដោយឃើញមានជញ្ជាំងដីឥដ្ឋ និងមានបន្ទប់ខ័ណ្ឌផ្សេងៗគ្នាជាច្រើន។
ក្រៅពីនេះអ្នកស្រាវជ្រាវក៏បានរកឃើញនៅវត្ថុសិល្បៈរួមមាន កុលាលភាជន៌ និងវត្ថុអំពីលោហធាតុផ្សេងៗ រួមទាំងគ្រោងឆ្អឹងផងដែរ។
ទីក្រុងដែលបានរកឃើញនេះ គីស្ថិតនៅចន្លោះប្រាសាទ Rameses III និងរូបសំណាកស្តេច Amenhotep III នៅខាងលិចនៃទន្លេនីលក្នុងLuxor។ គួរបញ្ជាក់ដែរថា រាជវង្សនៃស្តេច Amenhotep III គឺមានវិសាលភាពទឹកដីពីចាប់តំបន់នៃទន្លេ Euphrates រហូតដល់ Sudan។ តាមរយៈទិន្នន័យបុរាណវិទ្យាបានបង្ហាញថា ទ្រង់សុគតអំឡុងឆ្នាំ ១៣៥០មុនគ.ស។ លោក Hawassបានបន្តទៀតថា៖ ទីក្រុងដែលបានរកឃើញនេះ គឺត្រូវបានកសាងឡើងដោយស្តេចAmenhotep III ដែលត្រូវជាចៅរបស់ស្តេចTutankhamun។ តាមរយៈស្រទាប់ដីបុរាណវិទ្យាបានបង្ហាញថា ទីក្រុងនេះមានទឹកតាងជាង៣០០០ឆ្នាំ៕
ប្រភព៖ https://www.google.com/amp/s/www.foxnews.com
