អ្នកស្រាវជ្រាវមានការភ្ញាក់ផ្អើលបន្ទាប់ពីបានរកឃើញសពមាំមីអេហ្ស៊ីបដំបូងគេដែលបង្ហាញថាមានផ្ទៃពោះ

អេហ្ស៊ីប៖ ទិន្ន័យនៃការរកឃើញដ៏ភ្ញាក់ផ្អើលនៃសពមាំមីដែលមានផ្ទៃពោះ នេះគឺបន្ទាប់ពីមានការស្រាវជ្រាវពីអ្នកវិទ្យាសាស្រ្តប៉ូឡូញក្នុងគម្រោងស្រាវជ្រាវ Warsaw Mummy Project។

គម្រោងនៃការស្រាវជ្រាវនេះបានបង្កើតឡើងនៅក្នុងឆ្នាំ ២០០៥ ដែលធ្វើការសិក្សាស្រាវជ្រាវលើសាកសពមាំមីមនុស្ស និងសាកសពមាំសត្វ ក្នុងសម័យអេហ្ស៊ីបបុរាណ។ ការសិក្សានេះធ្វើឡើងនៅសារមន្ទីរជាតិក្នុងទីក្រុងWarsaw នៃប្រទេសប៉ូឡូញ។ វិធីសាស្រ្តនៃការសិក្សានេះ គឺផ្តោតលើការ Scan លើសពមាំមីទាំងនោះ។

តាមរយៈអ្នកស្រី Marzena Ożarek-Szilke , នរវិទូ និងបុរាណវិទូដែលមកពីសាកលវិទ្យាល័យជាតិ Warsaw, អ្នកស្រី និងក្រុមការងារ បានបានបង្ហាញអំពីទិន្ន័យសង្ខេបនៃការស្រាវជ្រាវ និងរៀបចំបោះពុម្ភ ផ្សព្វផ្សាយជាសារធារណៈនាពេលខាងមុខ។

អ្នកស្រី Marzena រួមជាមួយនឹងប្តី ដែលជាអ្នកបុរាណវិទូ ឯកទេសអេហ្ស៊ីបបុរាណ បានប្រាប់ទៅកាន់ ភ្ញាក់ងារសារពត៌មាន PAP ថា “យើងបានធ្វើការពិនិត្យមើលលើរូប និងកត់ត្រាចំណុចមួយចំនួនដែលស្រដៀងគ្នា លើសាកសពមាំមីដែលត្រូវជាក្រុមគ្រួសារតែមួយ ដោយមានឪពុក និងម្តាយ ដែលមានកូនបីនាក់នៅក្នុងពោះ។”

លោក Wojtek Ejsmond ដែលជាម្នាក់ក្នុងប្រធានគម្រោងស្រាវជ្រាវនេះបានប្រាប់ CNNថា “មាំមីនេះត្រូវបានទិញទៅប្រទេសប៉ូឡូញក្នុងឆ្នាំ ១៨២៦ ដោយលោក Jan Wężyk-Rudzki ។ នៅក្នុងសម័យកាលនោះគេជឿថា សពមាំមីនោះជាមនុស្សស្រី ប៉ុន្តែទស្សនៈទាំងនោះត្រូវបានផ្លាស់ប្តូរនៅក្នុងទសវត្សឆ្នាំ១៩២០ នៅពេលដែលសិលាចារឹកលើមឈូសនោះត្រូវបានបកប្រែរួច និងបានបង្ហាញអំពីឈ្មោះ Hor-Djehuty ដែលត្រូវជា ព្រឹទ្ឋចារ្យ (Priest)នៅក្នុងសម័យអេហ្ស៊ីបបុរាណ។ ទោះបីជាវាជាកម្មសិទ្ធិរបស់សាកលវិទ្យាល័យ Warsaw ក៏ដោយក៏ម៉ាំមីនេះបានខ្ចីទៅសារមន្ទីរជាតិក្នុងទីក្រុង Warsaw តាំងពីឆ្នាំ 1917ដើម្បីដាក់តាំងបង្ហាញ។”

អំឡុងពេលធ្វើការស្រាវជ្រាវ, ក្រុមការងាររកឃើញនូវពត៌មានដែលគួរឲ្យចាប់អារម្មណ៌ បន្ទាប់ពីបានធ្វើការវិភាគដោយ computer tomography ។ តាមរយៈការវិភាគនោះ បានឲ្យឃើញអំពី បង់រុំរបស់ម៉ាំមីនោះមិនត្រូវដកចេញទេ ហើយក្រុមអ្នកស្រាវជ្រាវបង្ហាញអំពីទម្រង់រាងកាយគ្រោងឆ្អឹងមាំមី គឺនៅទាំងមូល ។ បន្ថែមពីលើនេះ ក្រុមអ្នកស្រាវជ្រាវបានវិភាគឃើញថា មាំមីនេះជាសពមនុស្សស្រី ដោយមិនមានប្រដាប់ភេទមនុស្សប្រុសនោះទេ ។ ទម្រង់3Dនៃរាងកាយមាំមីបានបង្ហាញថា មានសក់រួញ។

រូបភាពតាមរយៈការScan លើមាំមី (ប្រភព: CNN)

លោក Ejsmond បានបន្តប្រាប់ទៅ CNNថា មនុស្សស្រីនោះគឺស្លាប់នៅចន្លោះអាយុ២០ឆ្នាំ ទៅ៣០ឆ្នាំហើយទារកក្នុងគភ៌មានអាយុចន្លោះពី 26 ទៅ 30 សប្តាហ៍។ ពួកយើងពុំបានអំពីមូលហេតុការស្លាប់របស់មាំមីនេះទេ ប៉ុន្តែនេះគឺគម្រោងនៃការស្រាវជ្រាវរបស់ពួកយើងនៅខាងមុខទៀត។ សំណួរដ៏ធំមួយដែលអ្នកវិទ្យាសាស្ត្រមានគឺហេតុអ្វីបានជាភេទរបស់ទារកដែលមិនទាន់ត្រូវបានកំណត់ ។គួរបញ្ជាក់ដែរថា ជាទូទៅសរីរាង្គខាងក្នុងសពមាំមីត្រូវបានដកចេញជាប្រចាំមុនពេលធ្វើសាកសព។ លោកបានបន្តទៀតថា “ការរកឃើញទាំងមូលនេះបានធ្វើឱ្យយើងចាប់អារម្មណ៍នឹងសំណួរថាហេតុអ្វីបានជាវាមិនត្រូវបានគេដកចេញ” ។ “យើងមិនដឹងថាហេតុអ្វីបានជាវាត្រូវបានទុកនៅទីនោះ។ ប្រហែលជាមានហេតុផលខាងសាសនា។ ប្រហែលជាពួកគេគិតថាកូនដែលមិនកើតមិនទាន់មានព្រលឹងឬប្រហែលជាដោយសារតែវាពិបាកក្នុងការយកកូនចេញពីផ្ទៃ។ នេះក៏អាចជាផ្នែកមួយក្នុងការពន្យល់ពីមូលហេតុដែលសាកសពម៉ាំមីត្រូវបានរុំក្នុងផ្នូរដែលមានឈ្មោះ “ព្រឹទ្ឋចារ្យ “។

នៅពេលដែល លោកWężyk-Rudzki បាននាំយកម៉ាំមីទៅកាន់ប្រទេសប៉ូឡូញក្នុងសតវត្សទី 19 គាត់បានស្នើថាវាត្រូវបានគេរកឃើញនៅក្នុងផ្នូររបស់រាជនៅ Thebes។ ប៉ុន្តែអ្នកបុរាណវិទូមិនច្បាស់អំពីរឿងនេះ ឬប្រវត្តិរបស់ម៉ាំមីនោះទេ។ Ejsmond បានពន្យល់ថា “យើងមិនប្រាកដថាវាពិតទេ វាជារឿងធម្មតាទេដែលមនុស្សផ្តល់ភស្តុតាងមិនពិតដល់បុរាណវវិទូ ដើម្បីបង្កើនតម្លៃ និងសារៈសំខាន់របស់មាំមី ដូច្នេះយើងគួរតែប្រុងប្រយ័ត្នចំពោះការលើកឡើងបែបនេះ។”

លោក បានបន្តលើលឡើងទៀតថា “យើងដឹងថានៅសម័យបុរាណ មឈូសត្រូវបានប្រើប្រាស់ឡើងវិញ ហើយនៅស.វ.ទី ១៨-១៩ ផ្នូរត្រូវបានគេលួចជីក និងលួច នឹងលក់ឲ្យឈ្មួញ។” ប្រហែល១០% នៃមាំមីនៅក្នុងសារមន្ទីរគឺប្រហែលខុសមឈូស។