ហោរាសាស្រ្តប្រចាំថ្ងៃព្រហស្បតិ៍ ទី២២ ខែមេសា ឆ្នាំ២០២១ ត្រូវនឹងថ្ងៃ១១កើត ខែពិសាខ ឆ្នាំឆ្លូវ ត្រីស័ក ពស២៥៦៤
ឆ្នាំជូត
សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកឡើងខ្ពស់ត្រដែត។ អាជីពទាំងឡាយរបស់អ្នកកំពុងធានាបាននូវស្ថេរភាពរីកចម្រើនយ៉ាងខ្លាំងក្នុងពេលនេះ។ លោកអ្នកអាចធ្វើការបណ្តាក់ទុន បង្កើតមុខរបរថ្មី ផ្លាស់ប្តូរការងារ ឬប្រារព្វពិធីសំខាន់ៗបានដោយមិនមានអ្វីមករាំងស្ទះនោះទេ។ លោអ្នកមានពេលវេលាគ្រប់គ្រាន់ដើម្បីដំណើរការ ដូច្នេះអ្នកអាចចាប់ផ្តើមពេលណាមួយក៏បានដែរ។ ថ្ងៃនេះមានអំណោយផលសម្រាប់ការចរចា និងដោះស្រាយបញ្ហាពីអតីត ឬបំញ្ហាថ្មីៗដែលបានកើតឡើង។ គួររំលឹកថា នៅពេលព្រឹកការងារ ឬអាជីវកម្មហាក់មិនសូវដំណើរការខ្លាំងនោះដែរ ប៉ុន្តែនៅពេលរសៀលអ្វីៗនឹងភាពលូតលាស់នឹងសងត្រឡប់មកវិញ។
ឆ្នាំឆ្លូវ
សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីអស់លោកអ្នកថ្ងៃនេះល្អជាមធ្យម។ ថ្ងៃនេះគឺមានដំណើរការល្អសម្រាប់លោកអ្នកប្រកបការងារដោយប្រើប្រាស់កំលាំង និងលោកអ្នកដែលធ្វើការងារទាក់ទងនឹងរដ្ឋបាល។ ការខិតខំរបស់អ្នកនឹងផ្តល់ប្រយោជន៍យ៉ាងពេញចិត្តក្នុងពេលដ៏ខ្លីខាងមុខនេះ។ ទន្ទឹមនឹងនោះអ្នកអាចប្រតិបត្តិការរាល់គម្រោងផែនការដែលអ្នកបានរៀបចំ។ អ្វីដែលអ្នកគួរចងចាំក្នុងពេលនេះ គឺបំពេញតួនាទីរបស់ខ្លួនឲ្យបានល្អ។ ការចំណាយពេលវេលាផ្តេសផ្តាសមិនមែនជាអ្វីដែលអ្នកធ្វើបានក្នុងពេលនេះទេ សូមប្រើប្រាស់ពេលវេលាសម្រាប់ការងារឲ្យបានល្អ។
ឆ្នាំខាល
សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីលោកអ្នកក្នុងថ្ងៃនេះល្អជាមធ្យម។ ថ្ងៃនេះមានអំណោយផលសម្រាប់ការចរចាការងារតូចធំនានា ដូច្នេះសូមកុំយឺតយ៉ាវ សូមឆ្លើយតបចំពោះការផ្តល់ជូននានាឲ្យបានរហ័សរហួន និងកុំមានការរុញរាក្នុងអាជីវកម្មឡើយ។ ប៉ុន្តែទោះយ៉ាងនេះក្តី វាចាំបាច់សម្រាប់អ្នកក្នុងការប្រយ័ត្នប្រយែងចំពោះរាល់ការសម្រេចចិត្ត ឬការចុះហត្ថលេខាឯកសារសំខាន់ៗ។ ភាពលេចធ្លោរបស់អ្នកអាចនឹងរំខានដល់ដៃគូជំនួញរបស់អ្នក ព្រមទាំងមានឥទ្ធិពលចំពោះការយល់ដឹងរបស់អតិថិជនផង ដូច្នេះគួរតែរក្សាសក្តានុភាពនេះឲ្យស្ថិតក្នុងកំរិតមធ្យម។
ឆ្នាំថោះ
សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ កិច្ចការងារ និងអាជីវកម្មមានការរីកចម្រើនលូតលាស់ល្អប្រសើរណាស់។ លោកអ្នកមានលទ្ធភាពក្នុងការចរចា និងពិភាក្សារាល់ការងារសំខាន់ទាំងឡាយជាមួយមនុស្សគ្រប់ស្រទាប់ ប៉ុន្តែសូមប្រយ័ត្នប្រយែងកំហុសផ្នែកពត៌មាន ដូច្នេះសូមពិនិត្យឲ្យបានលំអិត។ លោកអ្នកប្រកបអាជីវកម្ម គួរចាប់អារម្មណ៍ទៅលើការធ្វើការផ្សព្វផ្សាយ។ ដោយឡែកមិត្តភក្តិក្នុងរង្វង់ការងារ ពេញចិត្តក្នុងការស្តាប់គំនិតវិជ្ជជីវៈរបស់អ្នកណាស់ ហើយក្នុងអនាគតដ៏ខ្លីអ្នកអាចនឹងទទួលបានពត៌មានទាក់ទងនឹងការតំឡើងតំណែងការងារផងដែរ។
ឆ្នាំរោង
សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ថ្ងៃនេះមានសញ្ញាណនៃភាពរីករាយគ្រប់ទិសទី ហើយការងារ និងមុខរបររបស់អ្នករីកចម្រើនខ្លាំងណាស់។ ក្នុងនោះសូមលោកអ្នកគិតគូរអំពីទស្សនៈវិស័យបង្កើតវិជ្ជាជីវៈ បើលោកអ្នកអាចធ្វើបាននោះភាពជោគជ័យធំនឹងកើតឡើងក្នុងពេលខាងមុខដ៏ខ្លីនេះ។ លោកអ្នកនឹងមានឳកាសផ្លាស់ប្តូរស្ថានភាពអាជីពទៅតាមការពេញចិត្តរបស់អ្នក។ ក្រៅពីនេះ សូមមានចិត្តអត់ធ្មត់ក្នុងការស្វែងរកដំណោះស្រាយល្អបំផុត ចំពោះភារកិច្ចការងារ។ ទោះជាយ៉ាងណាអ្នកអាចខកខានក្នុងការទទួលបានការផ្តល់ជូននូវភាពចំណេញ ដោយសារតែភាពយឺតយ៉ាវរបស់អ្នក ហេតុដូច្នេះសូមលោកយកចិត្តទុកដាក់ចំណុចហាមឃាត់មួយនេះ ប្រសិនបើអ្នកចង់បានភាពរីកចម្រើនគួរជាទីមោទន។
ឆ្នាំម្សាញ់
សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ រាសីអស់លោកអ្នកល្អជាមធ្យម។ អាជីពទាំងឡាយរបស់អ្នកស្ថិតក្នុងដំណើរការល្អ ប៉ុន្តែការរំខាន និងភាពស្មុគ្រស្មាញក៏មានច្រើនទន្ទឹមនោះដែរ។ សូមលោកអ្នកកុំបាត់បង់ទំនុកចិត្តលើខ្លួនឯង ឬខ្វល់ខ្វាយនឹងបញ្ហាដែលកើតឡើងជ្រុលហួសហេតុរហូតភ័យខ្លាចក្នុងការអនុវត្តការងារឲ្យបានជោគជ័យ។ បន្ទាប់ពីបញ្ហាតូចតាចក្នុងរយៈពេលបាត់បង់ទៅ លោកអ្នកនឹងទទួលបានភាពជោគជ័យជំនួសវិញ ដូច្នេះមិនចាំបាច់ត្រូវពិបាកចិត្តនឹងរឿងបណ្តោះអាសន្នទាំងនេះទេ។ ដោយឡែក ថ្ងៃនេះលោកអ្នកមានអំណោយផលក្នុងការទទួលបានដំណោះស្រាយ សម្រាប់ផលលំបាកនានា។
ឆ្នាំមមី
សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីលោកអ្នកក្នុងថ្ងៃនេះល្អជាមធ្យម។ មុខរបររកស៊ីជួញដូរកាក់កបជាធម្មតា ចំណែកអ្នកប្រកបការងារវិញ ក៏សម្រេចបានផ្លែផ្កាតាមការប៉ងប្រាថ្នាផងដែរ។ ប៉ុន្តែលោកអ្នកគួររកពេលវេលាសមស្របធ្វើការប្រាស្រ័យទាក់ទងជាមួយមិត្តក្នុងក្រុមការងារ ពីព្រោះប្រសិនបើអ្នកធ្លាប់មានបញ្ហាខ្លះដែលមិនយល់ពីគ្នា នោះរាសីថ្ងៃនេះនឹងដោះស្រាយបញ្ហាទាំងនោះបានដោយងាយស្រួលណាស់។ វេលានេះមិនមានហេតុការអ្វីចាំបាច់គួរឲ្យកត់សម្គាល់ថានឹងមករំខានអ្នកឡើយ ដូច្នេះសូមបន្តដំណើរការការងារដែលអ្នកមានក្នុងពេលនេះ។
ឆ្នាំមមែ
សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាសី្រ។ រាសីអស់លោកអ្នកថ្ងៃនេះឡើងខ្ពស់ត្រដែត។ រាល់កិច្ចការងារ និងអាជីវកម្មរបស់អ្នកទទួលបានការកត់សម្គាល់ និងគាំទ្រច្រើនពីមនុស្សនៅជុំវិញខ្លួន ដូច្នេះលោកអ្នកនឹងមានសំណាងទ្វេរដងពីការងារដែលអ្នកកំពុងប្រតិបត្តិក្នុងថ្ងៃនេះ។ ដោយឡែក អ្នកនឹងទទួលបានទ្រព្យសម្បត្តិ និងមុខតំណែង ដូច្នេះលោកអ្នកគ្មានអ្វីដែលត្រូវបារម្ភនោះទេ។ ផ្ទុយទៅវិញ លោកអ្នកមិនទាន់អាចទទួលបានលទ្ធភាពពេញលេញក្នុងការបង្កើតមុខរបរថ្មី ឬការបណ្តាក់ទុនធំនោះឡើយ។ ហើយប្រសិនបើអ្នកគ្រាន់គម្រោងយុទ្ធសាស្រ្តទៀតនោះ ការងាររបស់អ្នកបែរជាប្រឈមនឹងការខាតបង់ទៅវិញ។
ឆ្នាំវក
សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីលោកអ្នកក្នុងថ្ងៃនេះស្រុតចុះ។ ថ្ងៃនេះកំហឹងនៅកៀកនឹងអ្នក ចូរបោះបង់រឿងរ៉ាវតូចតាចចោលឲ្យអស់ ហើយរៀនអនុគ្រោះដើម្បីកុំឲ្យខាតលាភ។ ត្រូវគ្រប់គ្រងអារម្មណ៍ កុំឲ្យគេចាប់ថ្នាក់ភាពអវិជ្ជមាន និងភាពទន់ខ្សោយរបស់អ្នក។ ត្រូវមានភាពទន់ភ្លន់ ដើម្បីទាក់ទាញចំណាប់អារម្មណ៍ និងការជឿទុកចិត្តរបស់អ្នកជុំវិញខ្លួន ពិសេសដើម្បីទទួលបានឳកាសច្រើនក្នុងវិថីការងារ។ ផ្ទុយទៅវិញ អ្នកអាចក្លាយជាជនរងគ្រោះ នៃឧបាយកលរបស់អ្នកដទៃ ដូច្នេះសូមមានការប្រុងប្រយ័ត្ន និងកុំឆ្លើយតបនឹងហេតុការណ៍អ្វីទាំងអស់។
ឆ្នាំរកា
សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។ រាសីអស់លោកអ្នកក្នុងថ្ងៃនេះល្អជាមធ្យម។ អាជីវកម្ម កិច្ចការងារផ្សេងៗមានដំណើរការល្អ ប៉ុន្តែអ្នកត្រូវខំប្រឹងជានិច្ច និងមិនត្រូវដាក់ការសង្ឃឹមលើថ្ងៃនេះហួសពេកនោះទេ។ អ្នកគួរចំណាយពេលសមស្របមួយក្នុងការគិតគូរ និងរៀបចំគម្រោងផែនការការងារក្នុងពេលអនាគត។ ពិសេសគួរយកចិត្តទុកដាក់លើគម្រោងចាយវាយ ពីព្រោះស្ថេរភាពហិរញ្ញវត្ថុរបស់អ្នកកំពុងស្ថិតក្នុងកំរិតមួយដែលត្រូវការការយកចិត្តទុកដាក់ខ្ពស់។ ដោយឡែក សូមកុំមានចិត្តទន់ទោរទៅនឹងហេតុការណ៍ខាងក្រៅដែលបានកើតឡើង។ អ្នកគួរបន្ថែមការទុកចិត្តលើខ្លួនឯង ពីព្រោះជំងឺមិនជឿជាក់លើខ្លួនឯងជាហេតុផលនៃការបរាជ័យ។
ឆ្នាំចរ
សម្រាប់លោកអ្នកដែលមានកំណើតឆ្នាំចរ នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកថ្ងៃនេះឡើងខ្ពស់ត្រដែត។ សូមកុំខកខានឳកាសដើម្បីទទួលបានភាពរីកចម្រើនក្នុងអាជីវកម្ម និងការងារឲ្យសោះ។ ដំណឹងល្អទាក់ទងនឹងអាជីព ឬតំណែងការងារមានពន្លឺវិជ្ជមានហើយក្នុងពេលនេះ។ សំណាងរបស់លោកអ្នកកើតឡើងច្រើនដងក្នុងមួយថ្ងៃនេះ ហេតុដូច្នេះសូមរក្សាពាក្យសំដី និងអាកប្បកិរិយាល្អក្នុងកំរិតអតិបរមា។ ជៀសវាងមតិរិះគន់ ជម្លោះ ឬការពិភាក្សាទាំងឡាយណាដែលអាចរំខានដល់ភាពជោគជ័យ និងសេសចក្តីសុខរបស់អ្នកដទៃ។ ក្នុងពេលវេលានេះ លោកអ្នកមានលទ្ធភាពក្នុងការបំពេញការងារ យល់ដឹងពីបញ្ហា ព្រមទាំងយល់ដឹងពីវិធិសាស្រ្តដោះស្រាយដោយសន្តិវិធី។
ឆ្នាំកុរ
សម្រាប់លោកអ្នកដែលមានកំណើតឆ្នាំកុរ នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកនៅក្នុងថ្ងៃនេះស្រុតចុះ។ សូមប្រយ័ត្នលើកិច្ចការងារ និងអាជីវកម្ម ព្រោះលោកអ្នកអាចចាញ់ឧបាយកលបោកបញ្ឆោតគេ។ សូមគិតគូរផលចំណេញខាតឲ្យបានម៉ត់ចត់ ហើយកុំចុះហត្ថលេខាដាច់ខាតប្រសិនបើអ្នកមានមន្ទិលក្នុងកិច្ចការនោះ។ ភាពស្ងប់ផ្តល់នូវការគិតវែងឆ្ងាយ និងអាចឲ្យអ្នកយល់ដឹងស្ថានការណ៍បានល្អ។ កុំធ្វើជាមនុស្សសង្ស័យច្រើន បណ្តោយរឿងណាត្រូវកើត ឲ្យវាកើតចុះ ពីព្រោះក្នុងរយៈពេលល្ងាចលោកអ្នកនឹងទទួលបានភាពធូរស្រាល ឬដែលអាចនឹងអាចកែប្រែស្ថានការណ៍លំបាកដោយជោកជ័យ។ ទោះបីភាពជោគជ័យ និងបរិយាកាសរីករាយហាក់មានតិចតួច សូមកុំបាក់ទឹកចិត្ត បន្តការងារ ពីព្រោះជោគជ័យស្ថិតនៅក្បែរអ្នក។
រៀបរៀងដោយ៖ កញ្ញា មាស សុភាព
