ប្រទេសអ៊ីស្រាអែល៖ អ្នកបុរាណវិទូក្នុងប្រទេសអ៊ីស្រាអែលបាននិយាយថា កាក់មាសចំនួន ៤៤ កាក់ដែលមានអាយុកាលតាំងពីសតវត្សទី៧ ត្រូវបានរកឃើញនៅក្រោមជញ្ជាំងមួយនៅក្នុងតំបន់អភិរក្សធម្មជាតិក្នុងប្រទេសអ៊ីស្រាអែល។ អ្នកជំនាញបានប៉ាន់ថាកាកនោះទម្ងន់ប្រហែល ១៧០ក្រាម ដែលបានរកឃើញនៅស្ថានីយបុរាណវិទ្យា Hermon Stream (Banias) ប្រហែលនៅក្នុងសម័យសង្គ្រាមក្នុងឆ្នាំ ៦៣៥ នៃគ.ស.។ ក្រុមអ្នកបុរាណវិទូបានបន្តនិយាយថាកាក់មាសទាំងនោះ គឺស្ថិតនៅក្នុងសម័យកាលនៃការគ្រប់គ្រងរបស់អាណាចក្រ ប៊ីហ្សង់ទិន នៅក្នុងតំបន់ Hermon Stream។ អាណាចក្រ ប៊ីហ្សង់ទិន គឺជាអាណាចក្រដែលស្ថិតនៅភាគខាងកើតនៃចក្រភពរ៉ូម ដែលមានរយៈពេលជាង ១,000 ឆ្នាំ។
លោក Yoav Lerer នាយកប្រធានគ្រប់គ្រងការធ្វើកំណាយបាននិយាយថា យើងជឿថាកាក់ដែលកប់នេះ គឺប្រហែលអាចជាកាក់របស់អ្នកដែលមានឋានៈខ្ពស់ និងមានអំណាច ហើយការដែលយកកាក់ទៅកប់នេះ គឺប្រហែលមកពីសង្រ្គាម។
អាជ្ញាធរអ៊ីស្រាអែលបាននិយាយថា ក្រៅពីកាក់មាស អ្នកស្រាវជ្រាវក៏បានរកឃើញនៅសំណល់អគារ បណ្តាញទឹក កាក់សំរឹទ្ធ និងវត្ថុសិល្បៈជាច្រើនទៀតផងដែរ។ លោកស្រីបណ្ឌិត Gabriela Bijovsky អ្នកជំនាញខាងរូបិយវត្ថុនៅអាជ្ញាធរវត្ថុបុរាណរបស់អ៊ីស្រាអែល បាននិយាយថា កាក់មួយចំនួន គឹក្នុងរជ្ជកាលស្តេច Phocas (ឆ្នាំ៦០២-៦១០ នៃគ.ស.) និងខ្លះទៀតស្ថិតនៅក្នុងរជ្ជកាលរបស់សេ្តចHeraclius៕
ដកស្រង់ពី៖ Gold coins hidden in 7th Century found in wall – BBC News
