ទំព័រដើមប្រវត្តិសាស្ត្រការវិភាគឆ្អឹង តាមបច្ចេកទេស DNA បានបង្ហាញអំពីគ្រោងឆ្អឹងមួយគ្រួសារក្នុងតំបន់ ...

ការវិភាគឆ្អឹង តាមបច្ចេកទេស DNA បានបង្ហាញអំពីគ្រោងឆ្អឹងមួយគ្រួសារក្នុងតំបន់ Cheddington

ប្រទេសអង់គ្លេស៖ ការវិភាគ DNA នៃគ្រោងឆ្អឹងចំនួន៣បានបង្ហាញអំពីកាលបរិច្ឆេទស្ថិតនៅចុងសម័យរ៉ូម៉ាំងដោយស្ថិតនៅក្នុងផ្នូរតែមួយ។​ អ្នកជំនាញជឿថា គ្រោងឆ្អឹងទាំងបីនោះ គឺម្តាយ និងកូនប្រុសដែលមិនទាន់កើត និងម្តាយក្មេក ដែលបានស្លាប់ក្នុងពេលតែមួយ។ ផ្នូរនេះត្រូវបានរកឃើញនៅតំបន់ Cheddington, Buckinghamshire ក្នុងប្រទេសអង់គ្លេស។ ការសិក្សានេះ ស្ថិតនៅក្នុងផ្នែកនៃគម្រោង genome បុរាណ។

អ្នកឯកទេសឆ្អឹងមនុស្សលោក Sharon Clough បាននិយាយថាការសិក្សាតាមបច្ចេកទេស DNA លើ ឆ្អឹងនេះ បានបង្ហាញលទ្ឋផលដ៏ល្អមួយ អំពីទំនាក់ទំនងគ្រួសារមួយនាសម័យបុរាណ ដែលយើងបានសិក្សានេះ។​

ផ្នូរត្រូវបានរកឃើញកំឡុងពេលការធ្វើកំណាយក្នុងឆ្នាំ ២០១៨ ហើយត្រូវបានគេចាត់ទុកថា “មិនធម្មតា” ដោយសារតែផ្នូរបុរាណសម័យរ៉ូម៉ាំង ឬដើមសម័យ Saxon ភាគច្រើនផ្ទុកសាកសពតែមួយប៉ុណ្ណោះ។ តាមរយៈការវិភាគដោយវិទ្យុសកម្មបានបង្ហាញពីការបញ្ចុះសពបានកើតឡើងនៅចន្លោះឆ្នាំ ២៥៥ ដល់ ៤៣៣។

គ្រោងឆ្អឹងដែលបានរកឃើញនៅតំបន់ Buckinghamshire (ប្រភព៖ BBC)

លោកស្រី Clough ដែលធ្វើការនៅ Cotswold Archaeology បាននិយាយថា ការវិភាគឆ្អឹងបានបង្ហាញថា គ្រោងឆ្អឹងមួយមានអាយុប្រហែល ២៥ ឆ្នាំ ខណៈម្នាក់ទៀតមានអាយុលើសពី ៤៥ ឆ្នាំនៅពេលដែលពួកគេត្រូវបានគេបញ្ចុះ។ ទារក​ដែល​កើត​មិន​គ្រប់​ខែ​មាន​អាយុ​ចន្លោះ​ពី ៣២ ទៅ ៣៦ សប្តាហ៍ ប៉ុន្តែ​គេ​មិន​ទាន់​ដឹង​ច្បាស់​ថា តើ​ទារក​នោះ​នៅ​ក្នុង​ផ្ទៃ​នៅ​ពេល​បញ្ចុះ​ឬ​ក៏​បាន​សម្រាល​ហើយ​បាន​ស្លាប់។

Mitochondrial DNA បានបញ្ជាក់ពីស្ត្រីវ័យក្មេង ហើយទារក គឺជាម្តាយ និងកូន ខណៈដែលស្ត្រីចំណាស់ត្រូវបានគេរកឃើញថាមានទំនាក់ទំនងជាមួយទារក ប្រហែលជាយាយរបស់ទារកនោះ ។

ឆ្អឹងនឹងត្រូវរក្សាទុកនៅសារមន្ទីរ Buckinghamshire County សម្រាប់ការស្រាវជ្រាវនាពេលអនាគត។

ដកស្រង់ពី៖ https://www.bbc.com/news/uk-england-beds-bucks-herts-63077187

- Advertisement -spot_img

អត្ថបទជាប់ទាក់ទង

អត្ថបទផ្សេងទៀត

- Advertisement -spot_img

បណ្ដាញសង្គម

18,489FansLike
191,100FollowersFollow
17,400SubscribersSubscribe
- Advertisement -spot_img
error: Content is protected !!