ឆ្នាំជូត
សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ការងារ និងមុខរបររបស់អ្នកមានដំណើរការយ៉ាងរលូន ព្រមទាំងមានមនុស្សជាច្រើនគាំទ្រទំនុកបំរុងផងដែរ។ លោកអ្នកអាចចាប់ផ្តើមការងារនានាទាំងធំតូច ដោយគ្មានអ្វីជាឧបស័គ្គឡើយ។ ប្រសិនបើអ្នកជាអាជីវករ នោះលោកអ្នកអាចបណ្តាក់ទុនលើចលន ឬអចលនទ្រព្យបានយ៉ាងប្រសើរ។ ពេលវេលាក្នុងថ្ងៃនេះមានទំនាក់ទំនងនឹងគំនិតច្នែប្រឌិត ហេតុដូច្នេះសូមព្យាយាមដាក់ចេញរាល់ការងារដែលាពាក់ព័ន្ធនឹងគំនិតច្នៃប្រឌិត។ លើសពីនេះសូមធ្វើទំនាក់ទំនងល្អជាមួយមនុស្សដែលនៅជុំវិញខ្លួន ដោយភាពស្មោះត្រង់។
ឆ្នាំថោះ
សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកថ្ងៃនេះឡើងខ្ពស់ត្រដែត។ កិច្ចការងាររបស់លោកអ្នកស្ថិតក្នុងសញ្ញាណល្អប្រសើរណាស់ លោកអ្នកអាចសម្រេចចិត្តធ្វើកិច្ចការងារណាមួយក៏នឹងបានសម្រេចដែរ។ ហេតុដូច្នេះសូមកុំមានភាពស្ទាក់ស្ទើរក្នុងការចាប់យកឳកាសការងារ និងការបណ្តាក់ទុននានាដែលកើតឡើងក្នុងថ្ងៃនេះ។ ដោយឡែក ទំនោររាសីថ្ងៃនេះមានពាក់ព័ន្ធនឹងការងារជាក្រុមជាជាងការងារម្នាក់ឯង ដូច្នេះអ្នកគួរប្រាស្រ័យទាក់ទងឲ្យបានជិតស្និតជាមួយដៃគូជំនួញ ឬមនុស្សនៅក្នុងក្រុមការងារ។ ប្រសិនបើអ្នកជាអាជីករសូមយកចិត្តទុកដាក់ជាពិសេសលើការចែករំលែកយុទ្ធសាស្រ្តជំនួញ ឬប្រយ័ត្នប្រយែងលើដៃគូ។
ឆ្នាំមមី
សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីលោកអ្នកថ្ងៃនេះឡើងខ្ពស់ត្រដែត។ ថ្ងៃនេះលោកអ្នកទទួលបានសញ្ញាណវិជ្ជមានចំពោះលាភសំណាងជាច្រើន អ្វីដែលសំខាន់តើលោកអ្នកមានប្រតិកម្មចំពោះលាភសំណាងទាំងនោះដោយរបៀបណាប៉ុណ្ណោះ។ ក្នុងនោះលោកអ្នកអាចធ្វើការផ្លាស់ប្តូរការងារ បណ្តាក់ទុនឬប្រារព្វពិធីមង្គលនានាបានយ៉ាងប្រសើរណាស់។ ភាពអសកម្មខ្លះៗក្នុងថ្ងៃនេះអាចនឹងកើតឡើង ដែលមានទំនាក់ទំនងនឹងអត្តចរឹក និងកាយវិការអ្នកតែម្តង ដូច្នេះបើអ្នកអាចគ្រប់គ្រងលខ្លួនបាន គឺអ្វីៗស្គាល់តែភាពវិជ្ជមានប៉ុណ្ណោះ។ ដោយឡែក ក្រៅពីអំណោយផលនេះ លោកអ្នកជាអាជីវករ រំពឹងថាទទួលបានស្ថេរភាពលើអាជីវកម្មជាពិសេស។
ឆ្នាំរកា
សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។ រាសីអស់លោកអ្នកថ្ងៃនេះឡើងខ្ពស់ត្រដែត។ លោកអ្នកអាចធ្វើកិច្ចការនានាបានដោយមិនមានអ្វីជំទាស់ ហើយមិនបាច់រកមើលកាលវលាសមរម្យនោះទេ ពីព្រោះលោកអ្នកមានពេលវេលាច្រើនក្នុងការអនុវត្ត ហើយរាល់ពេលទាំងនោះ គឺសុទ្ធតែមានភាពវិជ្ជមាន។ លោកអ្នកអាចធ្វើការងារនានា តាមការគ្រោងទុក ប៉ុន្តែមិនត្រូវឈានជើងដោយភាពមិនប្រាកដប្រជានោះទេ។ ការជឿទុកចិត្តលើពាក្យសំដីរបស់អ្នកដទៃត្រូវមានកំរិត ហើយបើអាចសូមកុំពាក់ព័ន្ធចំពោះការងារទាំងឡាយណាដែលមិនស្ថិតក្រោមការទទួលខុសត្រូវរបស់អ្នក។ ដោយឡែក លោកអ្នករំពឹងថានឹងទទួលបានការចាកចេញក្នុងដំណើរបេសកកម្មដោយមិនរំពឹងទុកផងដែរ។
ឆ្នាំកុរ
សម្រាប់លោកអ្នកដែលមានកំណើតឆ្នាំកុរ នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ថ្ងៃនេះអ្នកនឹងមានលទ្ធភាពបញ្ច់ការងារបានដោយជោគជ័យជាទីបំផុត។ ជាពិសេសចំពោះការបណ្តាក់ទុន ពីព្រោះលោកអ្នកកំពុងមានដៃគូដែលផ្តល់នូវទំនុកចិត្តខ្ពស់។ តែយ៉ាងណាក្តី សូមប្រកាន់ខ្ជាប់នូវគម្រោងផែនការជានិច្ច ពីព្រោះភាពរំខាននានានៅមានសញ្ញាណវិជ្ជមាននៅឡើងក្នុងពេលនេះ។ គួរជៀសវាងការសន្យាចោល ពីព្រោះវានឹងធ្វើឲ្យលោកអ្នកបាត់បង់ទំនុកចិត្តពីមនុស្សដែលនៅជុំវិញខ្លួនដោយងាយ។ ទំនុកចិត្តជាកត្តាចំបាច់សម្រាប់រាល់ភាពជោគជ័យគ្រប់យ៉ាង ប្រសិនបើអ្នកធ្វើឲ្យមានកំហុស គឺពិបាកកែប្រែស្ថានភាពនៅវិញណាស់ ហេតុដូច្នេះសូមយកចិត្តទុកដាក់ចំពោះរឿងនេះ។
ឆ្នាំឆ្លូវ
សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីអស់លោកអ្នកថ្ងៃនេះល្អជាមធ្យម។ ថ្ងៃនេះភាពអសកម្មនានានឹងមិនអាចជាឧបស័គ្គចំពោះការងារ និងអាជីវកម្មរបស់អ្នកនោះទេ។ លោកអ្នកអាចបង្កើតការងារ បណ្តាក់ទុន ប្តូរការងារ និងធ្វើកិច្ចពិធីសំខាន់ៗបានដោយរលូន។ អ្វីដែលចាំបាច់បំផុត ត្រូវមានការជឿទុកចិត្តលើសកម្មភាព និងការសម្រេចចិត្តរបស់ខ្លួន ហើយចំពោះបទពិសោធន៍អវិជ្ជមានពីអតីត ត្រូវកែប្រែទៅជានមេរៀន ប៉ុន្តែមិនត្រូវអន្ទោលអារម្មណ៍ឲ្យផុងក្នុងអតីតនោះទេ។ ដោយឡែក សូមលោកអ្នកព្យាយាមកែប្រែស្ថានភាពវិជ្ជាជីវៈ ការផ្សព្វផ្សាយពាណិជ្ជកម្ម ឬការចែករំលែកបទពិសោធន៍ឲ្យបានទូលំទូលាយ។
ឆ្នាំខាល
សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកនៅក្នុងថ្ងៃនេះល្អជាមធ្យម។ កិច្ចការរកស៊ីជួញដូរដំណើរការទៅជាធម្មតា ភាពចំណេញ និងការភ្ញាក់ផ្អើលលើសលុបនៅមិនទាន់អាចកើតឡើងទេក្នុងវេលានេះ។ សូមប្រឹងប្រែង និងបន្តការងារដែលលោកអ្នកកំពុងអនុវត្តឲ្យបានល្អ។ រាសីថ្ងៃនេះ ធានានូវភាពរីកចម្រើនយ៉ាងខ្លាំងចំពោះអាជីពនៃក្នុងអនាគតដ៏ខ្លី។ ក្នុងរយៈថ្ងៃនេះ ប្រសិនបើអ្នកចង់ទទួលបានរីកចម្រើនខ្លាំង សូមគិតគូរពីវិធីសាស្រ្តអនុវត្តការងារ នោះបញ្ហាប្រទាក់ក្រឡាមួយចំនួននឹងបាត់បង់ទៅដោយងាយ។ ក្រៅពីនេះសូមលោកអ្នកព្យាយាមពង្រឹងទំនាក់ទំនងបន្ថែមជាមួយថ្នាក់លើ ហើយសូមចងចាំថាការបដិសេធចំពោះការផ្តល់ជូនការងារអាចជាការសម្រេចចិត្តមិនត្រឹមត្រូវនោះទេ។
ឆ្នាំរោង
សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ រាសីអស់លោកអ្នកថ្ងៃនេះល្អជាមធ្យម។ កិច្ចការងារនានាប្រព្រឹត្តិទៅដោយភាពចម្រើនលូតលាស់ណាស់ ហើយនឹងមានការគាំទ្រ និងផ្គត់ផ្គងច្រើនពីបណ្តាមនុស្សនៅជុំវិញខ្លួន។ ក្នុងវេលានេះប្រសិនបើអ្នកមានគម្រោងពិភាក្សា ឬចរចាកិច្ចការងារនោះនឹងទទួលបានទិន្នផលយ៉ាងវិជ្ជមាន ពីព្រោះលោកអ្នកទទួលបានអំណោយផលក្នុងការគិតគូរបានវែងឆ្ងាយ និងត្រឹមត្រូវ។ ប្រការនេះ លោកអ្នកគួរមានទំនុកចិត្តលើខ្លួន ហើយព្យាយាមប្រើប្រាស់អំណោយផលក្នុងថ្ងៃនេះឲ្យអស់លទ្ធភាព។ ដោយឡែក សូមយកចិត្តទុកដាក់ចំពោះទំនាក់ទំនងរវាងមនុស្សដែលមានកំណើតឆ្នាំរកា ប្រសិនបើអាចធ្វើបាន គឺមិនគួរចរចាលើការងារសំខាន់នោះទេ។
ឆ្នាំមមែ
សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាសី្រ។ រាសីអស់លោកអ្នកក្នុងថ្ងៃនេះល្អជាមធ្យម។ ថ្ងៃនេះអំណោយផលខ្លាំងណាស់ចំពោះផ្នែកហិរញញ្ញវត្ថុ ដូច្នេះសូមចាប់យកឳកាសការងារនានា និងការបណ្តាក់ទុនផងដែរ។ លោកអ្នកប្រកបអាជីវកម្ម អាចនឹងទទួលបានការគាំទ្រពីដៃគូរជំនួញ ហើយការយោគយល់ អនុគ្រោះផ្នែកអាជីវកម្មក៏នឹងកើតឡើងផងដែរ។ ផ្ទុយទៅវិញ ប្រសិនបើអ្នកមានការលំបាកខ្លះក្នុងដំណើរការអនុវត្តសូមផ្អាកបន្តិច ហើយប្រើប្រាស់ពេលគិតគូរពីវិធីសាស្រ្តការងារ។ ក្រៅពីនេះសូមប្រុងប្រយ័ត្ននឹងការភ្លេចភ្លាំង និងច្រលំទិន្នន័យ។ ប្រសិនបើអាច សូមលោកអ្នកប្រើប្រាស់ពេលវេលាខ្លះក្នុងថ្ងៃនេះពិនិត្យវាយតម្លៃផែនការអនុវត្តរបស់ខ្លួនជាថ្មី ពីព្រោះលោកអ្នកត្រូវការសម្របទៅតាមស្ថានភាព។
ឆ្នាំចរ
សម្រាប់លោកអ្នកដែលមានកំណើតឆ្នាំចរ នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកថ្ងៃនេះល្អជាមធ្យម។ មុខរបររកស៊ី និងការងាររបស់អ្នកមានសកម្មភាពចម្រើនលូតលាស់ណាស់ក្នុងពេលនេះ។ ក្នុងនោះដែរ ប្រសិនបើអ្នកជួប្រទះនូវភាពលំបាកមួយចំនួនសូមចងចាំថា អ្វីៗនឹងបានប្រសើរឡើងវិញក្នុងពេលដ៏ខ្លួ ហេតុដូច្នេះសូមកុំមានក្តីព្រួយបារម្ភនាំរំខានដល់អារម្មណ៍ឡើយ។ ដោយឡែកលោកអ្នកប្រហែលជាត្រូវចំណាយពេលវេលាបន្ថែមក្នុងការពិនិត្យ និងវាយតម្លៃគម្រោងការងារកន្លងមក និងត្រូវកែប្រែខ្លះឲ្យស្របនឹងស្ថានភាពបច្ចុប្បន្ន។ ដោយឡែកសូមយកចិត្តទុកដាក់ក្នុងការថែទាំសុខភាព ធ្វើយ៉ាងណាគួរថ្លឹងថ្លែងរវាងការងារ និងសុខភាព។
ឆ្នាំម្សាញ់
សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ រាសីអស់លោកអ្នកនៅក្នុងថ្ងៃនេះស្រុតចុះ។ លោកអ្នកហាក់មានអារម្មណ៍ធុញថប់ខ្លាំង ដែលបណ្តាលឲ្យប៉ះពាល់ដល់កិច្ចការរបស់ខ្លួនយ៉ាងខ្លាំង។ សូមលោកអ្នកព្យាយាមបែងចែកការងារ និងបញ្ហា។ កុំបន្ថែមបន្ទុកឲ្យខ្លួនឯងរហូតបង្ខំអ្នកឲ្យបាត់បង់ជំនឿលើខ្លួនឯង។ សូមចាប់ផ្តើមជាថ្មី ក្រឡេកមើលស្ថានភាពជុំវិញខ្លួន ហើយដោះស្រាយបញ្ហាចំពោះមុខ។ ផលលំបាកទាំងនេះជាបញ្ហាបណ្តោះអាសន្នប៉ុណ្ណោះ ហើយអ្នកមានសមត្ថភាព និងលទ្ធភាពពេញលេញក្នុងការដោះស្រាយវា។ ផ្ទុយទៅវិញ លោកអ្នកនៅតែមានលទ្ធភាពរក្សាលំនឹង ឬកែប្រែការងារបាន ប្រសិនបើអ្នកព្យាយាមយល់ដឹងពីបញ្ហា ហើយដាក់កំរិតខ្លួនឯងជាងមុនបន្តិច។
ឆ្នាំវក
សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកក្នុងថ្ងៃនេះស្រុតចុះ។ លោកអ្នកកំពុងជួបបញ្ហាទាក់ទងនឹងទំនុកចិត្តពីមនុស្សនៅជុំវិញខ្លួន។ សូមដោះស្រាយបញ្ហាតូចតាចនានាដែលមានកន្លងមក ហើយត្រូវសំដែងភាពស្មោះត្រង់ទទួលយកការពិត។ អ្នកត្រូវរស់នៅ និងប្រកបការងារដោយភាពសុចរិតទៀងត្រង់ ហើយក៏មិនចាំបាច់ត្រូវលាក់បាំងកំហុសរបស់ខ្លួនដែរ ពីព្រោះមនុស្សបង្កើតកំហុសជារឿងធម្មតា។ អ្នកមិនគួរចូលរួមក្នុងដំណើរផ្សងព្រេងដែលមិនច្បាស់លាស់នោះឡើយ។ គួរចំណាយពេលឲ្យបានច្រើនលើការងារដែលកំពុងប្រតិបត្តិ។ លើសពីនេះ សូមកុំពាក់ព័ន្ធនឹងរឿងរ៉ាវរបស់អ្នកដទៃ ប្រយ័ត្នគុណក្លាយជាទោស។
ចំណាំ៖
ឆ្នាំទាំង៥ ជូត ថោះ មមី រកា កុរ រាសីឡើងខ្ពស់ត្រដែត។ រាសីថ្ងៃនេះនឹងផ្តល់ជូនលោកអ្នកនូវលាភសំណាង លុយកាក់ និងតួនាទីការងារយ៉ាងពេញចិត្ត។
ឆ្នាំទាំង៥ ឆ្លូវ ខាល រោង មមែ ចរ រាសីល្អមធ្យមុំ
ឆ្នាំទាំង២ ម្សាញ់ វក រាសីស្រុតចុះ។
