*ចំណាំ៖ ឆ្នាំទាំង៥ រោង ម្សាញ់ វក រកា កុរ រាសីឡើងខ្ពស់ត្រដែត។
ឆ្នាំទាំង៥ ជូត ឆ្លូវ ថោះ មមែ ច រាសីល្អមធ្យម។
ឆ្នាំទាំង២ ខាល មមី រាសីស្រុតចុះ។
ឆ្នាំរោង
សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ រាសីអស់លោកអ្នកថ្ងៃនេះឡើងខ្ពស់ត្រដែត។ លោកអ្នកនឹងទទួលបានលាភសំណាងច្រើនណាស់ក្នុងថ្ងៃនេះ រួមទាំងជីវិតឯកជន និងកិច្ចការ។ ទ្រព្យសម្បត្តិ មុខតំណែងនឹងទទួលបានដំណឹងយ៉ាងជាក់ប្រាកដក្នុងរយៈពេលរសៀល ហើយដែលនាំដំណឹងមកឲ្យដោយមនុស្សជាទីស្រលាញ់រាប់អាន។ ទន្ទឹមនឹងនេះ សូមរក្សាពាក្យសំដី ធ្វើយ៉ាងណាកុំអោយមានជម្លោះ និងភាពអាក់អន់ទាំងឡាយ។ ហើយចំពោះកំហុសខ្លះអាចនឹងបណ្តាលមកពីអាកប្បកិរិយា និងពាក្យសំដី ហេតុនេះសូមប្រយ័ត្ន។ ចំពោះការបណ្តាក់ទុនលើកិច្ចការងារថ្មី ប្រព្រឹត្តិទៅដោយសញ្ញាណជោគជ័យ និងមានលក្ខណៈរឹងមាំក្នុងពេលយូរ ដូច្នេះមិនបាច់ព្រួយបារម្ភ នោះទេ។
ឆ្នាំម្សាញ់
សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ថ្ងៃនេះរាសីការងាររបស់អ្នកធានាបាននូវភាពវិជ្ជមាន និងសុទិដ្ឋនិយមក្រៃលែង។ លោកអ្នកអាចមានលទ្ធភាពវាយតម្លៃស្ថានការណ៍បានយ៉ាងមានប្រសិទ្ធភាព ព្រមទាំងអាចក្តោបក្តាប់វាបានដោយងាយស្រួលផងដែរ។ ប៉ុន្តែការទទួលយកពត៌មានពីខាងក្រៅ និងការជឿជាក់លើសមត្ថភាពវិជ្ជាជីវរបស់ខ្លួនមានសារសំខាន់ខ្លាំងណាស់។ ចំណែកលាភសំណាង និងភាពរីករាយសម្រាប់កិច្ចការងារនឹងកើតឡើង។ ក្នុងនោះ ប្រសិនបើអ្នកនឹងសម្រេចចង់ផ្លាស់ប្តូរការងារគឺអាចធ្វើទៅបានដោយ ទទួលបានលទ្ធផលល្អប្រសើរបំផុត។
ឆ្នាំវក
សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកក្នុងថ្ងៃនេះឡើងខ្ពស់ត្រដែត។ អ្នកអាចសម្រេចគ្រប់បំណងប្រាថ្នា និងក្តីស្រមៃដែលអ្នកបានគ្រងទុក។ ដូច្នេះប្រសិនបើអ្នកមានលទ្ធភាពបណ្តាក់ទុន បង្កើតការងារថ្មី ឬបង្ហាញគម្រោងការងារ ឬដំណើរការជីវិតផ្ទាល់ខ្លួន នឹងទទួលបានជោគជ័យទាំងអស់។ ប៉ុន្តែកុំវាយតម្លៃភាពជោគជ័យលឿនពេក។ សូមព្យាយាមបន្ថែម ក្នុងការគ្រប់គ្រងស្ថានភាពការងាររបស់អ្នក ហើយក៏មិនត្រូវមានភាពអាក់អន់អ្វីឡើយ ពីព្រោះអ្នកអាចកែប្រែស្ថានការណ៍ដ៏អាក្រក់នានាបានដោយងាយស្រួល។ ដោយឡែក សូមលោកអ្នកព្យាយាមកែលម្អ ការតុបតែងខ្លួនផងដែរ ដើម្បីទទួលបានផលកាន់តែប្រសើរ។
ឆ្នាំរកា
សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។ រាសីលោកអ្នកក្នុងថ្ងៃនេះឡើងខ្ពស់ត្រដែត។ ពេលវេលាថ្ងៃនេះអំណោយផលសម្រាប់រាល់កិច្ចការនានា លោកអ្នកអាចចាប់ផ្តើមកិច្ចការងារនានាបានពេញមួយថ្ងៃ។ ម្យ៉ាងវិញទៀត លាភសំណាង និងលទ្ធផលការងារវិជ្ជមាននឹងកើតឡើងយ៉ាងប្រាកដណាស់។ សូមអ្នកត្រៀមខ្លួនទទួលភាពរឹងមាំសម្រាប់របកគំហើញថ្មីនៅថ្ងៃបន្ទាប់។ ពិសេសសម្រាប់លោកអ្នកជាអាជីវករ អាចទទួលបានផលចំណេញលើសពីការរំពឹងទុក និងទទួលបានទំនុកចិត្តខ្ពស់។ សូមលោកអ្នកបោះបង់ការសង្ស័យចំពោះសមត្ថភាពខ្លួន ហើយធ្វើការដោយទំនុកចិត្ត។
ឆ្នាំកុរ
សម្រាប់លោកអ្នកដែលមានកំណើតឆ្នាំកុរ នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ កិច្ចការងារ និងមុខរបររកស៊ីទទួលបានភាពជោគជ័យខ្លាំងណាស់។ ចំណែកសំណាងក្នុងថ្ងៃនេះទាក់ទងនឹងកំរិតហិរញ្ញវត្ថុ។ ក្រៅពីនេះលោកអ្នកមានលទ្ធភាពពេញទំហឹងក្នុងការធ្វើការចរចាការងារធំជាមួយថ្នាក់លើ ឬដើម្បីបង្កើតអាជីវកម្មថ្មីៗ។ ពាក្យសំដីរបស់អ្នកនឹងក្លាយជាកូនសោរនៃភាពជោគជ័យ ដូច្នេះសូមប្រើប្រាស់ពេលថ្ងៃនេះបង្ហាញចេញគំនិតយោបល់របស់អ្នក។ កំហុសដែលអាចកើតឡើយក្នុងពេលនេះ គឺភាពអសកម្មរបស់អ្នក ដូច្នេះសូមព្យាយាមគ្រប់គ្រងឲ្យបានល្អ។ ចំពោះ ទំនាក់ទំនងនឹងមនុស្សថ្មីនៅពេលនេះ គួរតែរឹតត្បិត និងច្បាស់លាស់បំផុត។
ឆ្នាំជូត
សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកក្នុងថ្ងៃនេះល្អជាមធ្យម។ រាល់ការងារ និងរបររកស៊ីជួញដូរនឹងទទួលបានជោគជ័យយ៉ាងប្រាកដណាស់។ ប្រសិនបើមានគម្រោងការងារ សូមកុំស្ទាក់ស្ទើរ ចូរសំដែងចេញដោយភាពឈរលើមូលដ្ឋានបទពិសោធន៍របស់អ្នក។ សម្រាប់លោកអ្នកដែលចង់ផ្លាស់ ប្តូរទីកន្លែងការងារគឺអាចធ្វើទៅបាន ដូច្នេះសូមកុំព្រួយបារម្ភចំពោះការងារ ឬហិរញ្ញវត្ថុ។ សម្រាប់លោកអ្នកដែលធ្វើរបរអាជីវកម្ម សូមលោកអ្នកបញ្ចៀសករណីបំណុលទាំងឡាយ ពីព្រោះវាអាចនឹងនាំជាទុក្ខទោសខ្លាំងនៅថ្ងៃនេះ។ ហើយក្រៅពីនេះ សូមមានភាពអនុគ្រោះ នឹងព្យាយាមរក្សាទំនាក់ទំនងតូចធំ។
ឆ្នាំឆ្លូវ
សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីអស់លោកអ្នកល្អជាមធ្យម។ រាល់កិច្ចការនានានឹងមានដំណើរការល្អប្រសើរណាស់ ហើយបញ្ហានានាក៏មិនអាចរំខានដល់ការងាររបស់អ្នកដោយងាយនោះទេ។ លោកអ្នកមានមនុស្សច្រណែន ប៉ុន្តែមិនចាំបាច់គិតគូរនាំរំខានទេ គួរផ្តោតពេលលើកិច្ចការសំខាន់ដែលអ្នកត្រូវធ្វើក្នុងថ្ងៃនេះ។ សូមធ្វើការប្រាស្រ័យទាក់ទងជាមួយមិត្តរួមការងារឲ្យបានច្រើន ពីព្រោះថ្ងៃនេះមានអំណោយផលយ៉ាងខ្លាំងសម្រាប់ការងារជាក្រុម។ តែទោះបីយ៉ាងណាក្តី សូមកុំឲ្យមានការប៉ះលើប្រធានបទដែលមានភាពចម្រូងចម្រាស់។ ក្រៅពីនេះសូមយកចិត្តទុកដាក់នឹង បញ្ហាសុខភាព រកពេលសម្រាកអោយបានគ្រប់គ្រាន់។
ឆ្នាំថោះ
សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីលោកអ្នកក្នុងថ្ងៃនេះល្អជាមធ្យម។ មុខរបររកស៊ីជួញដូរកាក់កបជាធម្មតា ចំណែកអ្នកប្រកបការងារវិញ ក៏សម្រេចបានផ្លែផ្កានឹងការទទួលស្គាល់សមត្ថភាពការងារពីក្រុមការងារផងដែរ។ ដោយឡែក តំណែងការងារ និងផលប្រយោជន៏ធំដុំ មិនទាន់ទទួលបានក្នុងពេលនេះទេ។ សូមកុំទាន់បាក់ទឹកចិត្ត ខំប្រឹងបន្តទៅទៀត។ រក្សាទំនាក់ទំនងឲ្យបានល្អជាមួយមនុស្សដែលនៅក្បែរ ពីព្រោះពួកគេអាចជួយទំនុកបម្រុង និងយកអាសារលោកអ្នកបាន។ សម្រាប់ទំនាក់ទំនងនឹងមនុស្សខាងក្រៅ សូមធ្វើយ៉ាងណាអោយមានកំរិត ទំនាក់ទំនងខ្លះ នៅពេលនេះក៏អាចនាំដល់ការលំបាកបានផងដែរ។
ឆ្នាំមមែ
សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាស្រី។ រាសីអស់លោកអ្នកក្នុងថ្ងៃនេះល្អជាមធ្យម។ អ្នកទទួលបានផលចំណេញក្នុងអាជីវកម្ម និងជោគជ័យក្នុងការងារគួរឲ្យកត់សម្គាល់។ ថ្ងៃនេះលោកអ្នកមានមនុស្សជាច្រើននៅជុំវិញខ្លួនគាំទ្រ និងលើកស្ទួយការងារ និងការសម្រេចចិត្តរបស់អ្នកខ្លាំងណាស់ ប៉ុន្តែទោះបីយ៉ាងនេះក្តីសូមកុំទាន់សម្រេចចិត្តចាប់ផ្តើមការងារថ្មីក្នុងថ្ងៃនេះ។ ក្រៅពីនេះ ថ្ងៃនេះកិច្ចសហការនានានឹងទទួលបានភាពរលូនងាយស្រួលណាស់ ដូច្នេះលែងជាការព្រួយបារម្ភចំពោះ ការបំពេញ ការងារជាក្រុមទៀតហើយ។ លើសពីនេះទៀត ទំនាក់ទំនងនឹងមនុស្សឆ្នាំចនឹងលោកអ្នកមិន សូវសមប្រកបនឹងគ្នានោះទេនៅថ្ងៃនេះ។
ឆ្នាំច
សម្រាប់លោកអ្នកដែលមានកំណើតឆ្នាំច នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកនៅក្នុងថ្ងៃនេះល្អជាមធ្យម។ កិច្ចការងារផ្សេងៗ និងអាជីវកម្មរបស់លោកអ្នកដំណើរការទៅយ៉ាងរលូន លោកអ្នកអាចនឹងទទួលបានដំណឹងល្អក្នុងរវាងពេលព្រឹក។ ទន្ទឹមនឹងនេះ សូមបង្កើនទំនាក់ទំនងជាមួយមនុស្សនៅជុំវិញខ្លួន ប៉ុន្តែកុំបញ្ចេញយោបល់ដោយងាយ ត្រូវមើលស្ថានការណ៍។ សូមរក្សាជម្លាតពីបញ្ហានានា ហើយក៏ត្រូវរៀនគ្រប់គ្រង ឬភ្លេចបញ្ហារិះគន់មួយចំនួនដែលគ្មានប្រយោជន៍សម្រាប់ការងាររបស់អ្នក។ ដោយឡែក សូមកែប្រែការតុបតែង ពីព្រោះលោកអ្នកកំពុងទទួលបានឳកាសល្អក្នុងការប្រឈមនឹងបរិស្ថានជុំវិញខ្លួន។
ឆ្នាំខាល
សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកថ្ងៃនេះស្រុតចុះ។ រាល់កិច្ចការរកស៊ីជួញដូររបស់លោកអ្នកនៅទ្រឹង ក៏ព្រោះតែភាពអសកម្មមួយចំនួនដែលកើតឡើងច្រើនស្របគ្នាក្នុងពេលតែមួយ។ ថ្ងៃនេះលោកអ្នកអាចមានការលំបាកក្នុងការកែប្រែស្ថានការណ៍បន្តិច ដូច្នេះសូមបណ្តោយហេតុការណ៍ខ្លះឲ្យរលត់ស្ងប់ទៅវិញ ឬត្រូវបំភ្លេចចោលខ្លះទើបជាការប្រសើរដល់អារម្មណ៍របស់អ្នក។ សូមកុំបារម្ភ ប្រសិនជាអ្នកមិនទាន់ទទួលដំណឹងពីថ្នាក់លើ សូមបន្តកិច្ចការងាជាធម្មតា និងធ្វើអ្វីឲ្យមានភាពទាក់ទាញ។ ក្រៅពីនេះ សូមលោកអ្នកកុំជឿជាក់មនុស្សដោយងាយ ពិសេសកុំ ចែករំលែកពត៌មានសំខាន់។
ឆ្នាំមមី
សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកក្នុងថ្ងៃនេះស្រុតចុះ។ លុយកាក់ ឳកាសការងារ ព្រមទាំងលាភសក្ការៈស្ថិតនៅតាមគន្លងផ្លូវឆ្ងាយ សូមព្យាយាមបន្ថែម និងកុំបាក់ទឹកចិត្ត។ សូមប្រយ័ត្នចាញ់បោកគេ មនុស្សដែលមកពីឆ្ងាយ ទោះស្គាល់តិចតួចក្តី ក៏មិនគួរជឿទុកចិត្តដែរ។ សូមធ្វើការពិភាក្សានឹងមនុស្សដែលជិតស្និទ្ធនឹងអ្នក ព្រោះគេអាចជួយជ្រោមជ្រែងអ្នកបាន។ ថ្ងៃនេះសូមព្យាយាមបំពេញការងារឲ្យបានល្អដោយឈរលើគំនិត និងបទពិសោធន៍របស់ខ្លួន។ ផ្ទុយពី ស្ថានភាពនេះ លោកអ្នកនៅតែមានលទ្ធភាពគ្រប់គ្រាន់ដើម្បីស្វែងរកដំណោះស្រាយ។ ដោយឡែក លោកអ្នកនឹងយល់ដឹង ហើយធ្វើការដោះស្រាយបានល្អ ប្រសិនបើអ្នកប្រើ ប្រាស់ពេលអោយបានសមស្រប។
