ទំព័រដើមប្រវត្តិសាស្ត្រក្រុមស្រាវជ្រាវបេតិកភណ្ឌវប្បធម៌កូរ៉េរកឃើញវត្ថុបញ្ចុះចំនួន 317 នៅប្រាសាទបុរា...

ក្រុមស្រាវជ្រាវបេតិកភណ្ឌវប្បធម៌កូរ៉េរកឃើញវត្ថុបញ្ចុះចំនួន 317 នៅប្រាសាទបុរាណនៃប្រទេសឡាវ

សេអ៊ូល៖ ក្រុមការងារបេតិកភណ្ឌវប្បធម៌កូរ៉េ បានរកឃើញនូវវត្ថុបុរាណជាង​៥០០វត្ថុ​ដែលក្នុងនោះមានអំពីមាសចំនួន២៣៧ និងវត្ថុបញ្ចុះផ្សេងៗទៀត ចំនួន៣១៧ រួមមានទាំង crystals ចំរុះពណ៌នៅទីតាំងប្រាសាទ Hong Nang Sida ក្នុងខេត្ត ចំប្ប៉ាសាក់។ (រូបលេខ១) ប្រធានគម្រោងនេះ បានលើកឡើងថា ការរកឃើញនេះគឺពិតជាសមិទ្ធិផលដ៏ល្អប្រសើរ ក្នុងការស្រាវជ្រាវបែបបុរាណវិទ្យា ព្រោះថាកម្រមានការរកឃើញវត្ថុបញ្ចុះអំពីមាសដ៏ច្រើនយ៉ាងនេះ ទាំងនៅក្នុងតំបន់អង្គរ ដែលធ្លាប់មានឥទ្ធិពលខ្លាំងក្លានៅតំបន់អាស៊ីអាគ្នេយ៍។

ទិដ្ឋភាពស្វែងរកវត្ថុនៅក្រោមថ្មនៃប្រាសាទហុងណាងស៊ីដា (ប្រភព៖​ Korea Cultural Heritage Foundation)
វត្ថុបញ្ចុះដែលបានរកឃើញនៅប្រាសាទ Hong Nang Sida
ប្រភព៖​ Korea Cultural Heritage Foundation

ប្រាសាទ Hong Nang Sida ស្ថិតនៅភាគខាងត្បូងប្រទេសឡាវ គឺជាប្រាសាទបុរាណខ្មែរមួយក្នុងចំណោមបណ្តាប្រាសាទដ៏ទៃក្នុងទឹកដីឡាវបច្ចុប្បន្ន។ ឈ្មោះនៃប្រាសាទនេះមានន័យថា “ប្រាសាទរបស់ព្រះនាងស៊ីដា”។ រដ្ឋាភិបាលកូរ៉េបាននិងកំពុងលើកកម្ពស់គម្រោងអភិរក្ស និងជួសជុលប្រាសាទនេះតាំងពីឆ្នាំ 2013 ហើយនៅឆ្នាំ 2019 រូបសំណាកអំពីសំរិទ្ធដែលតំណាងឲ្យភេទស្ត្រី(ជើងទម្រ) “Yoni” ត្រូវបានរកឃើញនៅក្នុងប្រទេសឡាវជាលើកដំបូង។

ពុទ្ឋរូបអំពីសំរិទ្ឋដែលបានរកឃើញ
ប្រភព៖​ Korea Cultural Heritage Foundation

រដ្ឋបាលបេតិកភណ្ឌវប្បធម៌ និងមូលនិធិបេតិកភណ្ឌវប្បធម៌កូរ៉េ បានប្រកាសកាលពីថ្ងៃទី ៣០ ខែមិថុនា ថាពួកគេបានរកឃើញ និងរក្សាទុកនូវវត្ថុបញ្ចុះមានចំនួន ៣១៧ ក្នុងអំឡុងពេលការជុសជុសប្រាសាទ Hong Nang Sida ដែលដួលរលំ។​

លោក Jeon Yu-geun អនុប្រធានមូលនិធិបេតិកភណ្ឌវប្បធម៌កូរ៉េ បានលើកឡើងថា “មានរណ្តៅជ្រៅមួយនៅកណ្តាលប្រាសាទនេះ ដែលស្រដៀងគ្នាទៅនឹងប្រាសាទក្នុងតំបន់អង្គររបស់កម្ពុជា គឺនៅប្រាសាទបាយ័ន”។ “ខណៈពេលដែលអ្នកស្រាវជ្រាវផ្សេងគ្នាបានលើកឡើងថា រណ្តៅនៅកណ្តាលប្រាសាទ និងកាលបរិច្ឆេទនៃការកសាងប្រាសាទ Hong Nang Sida ដែលមានចារនៅលើសិលាចារឹកគឺមានអាយុកាលខុសគ្នា។ តាមរយៈសិលាចារឹកប្រាសាទនេះត្រូវបានសាងសង់ក្នុងសតវត្សទី ១២”។

ចិញ្ចៀនមាសមួយក្នុងចំណោមជាច្រើនទៀតដែលបានរកឃើញ
ប្រភព៖​ Korea Cultural Heritage Foundation

វត្ថុបុរាណភាគច្រើនត្រូវបានរកឃើញនៅ មណ្ឌបកណ្តាល រួមមានវត្ថុអំពី​មាស​មានដូចជា ​ចិញ្ចៀន​មាស​ចំនួន​៥ សន្លឹក​មាស​ចំនួន​២១៧​បន្ទះ និង​មាស​ចំនួន​១៥​គ្រឿង។ ចិញ្ចៀនមាសមានទំហំប្រហែល 2.5 សង់ទីម៉ែត្រ និងគ្រឿងតុបតែងមាសមួយចំនួនត្រូវបានឆ្លាក់ដោយលំនាំផ្កា ហើយក៏មានវត្ថុបុរាណដែលគេជឿថាជាគ្រឿងសម្រាប់ខ្សែក និងក្រវិលផងដែរ។

លោក Jeon Yu-geun បានមាននិយាយថា “តាមភូមិសាស្ត្រ មាស និងគ្រីស្តាល់មិនអាចផលិតបាននៅក្នុងតំបន់ជុំវិញប្រាសាទហុងណាងស៊ីដា មតិភាគច្រើនគិតថា ត្រូវបាន   ផលិតនៅក្នុងតំបន់ផ្សេងទៀត ហើយបន្ទាប់មកត្រូវបាននាំយកមកទីនេះ” ហើយចំពោះរូបព្រះពុទ្ឋអំពីប្រាក់គឺកសាងនៅស.វ.ទី ១៧។​

លោកស្រី Suanesavanh Vignaket មន្រ្តីនៃក្រសួងព័ត៌មាន វប្បធម៌ និងទេសចរណ៍ឡាវបានមាននិយាយថា “វត្ថុបញ្ចុះទាំងអស់ដែលបានរកឃើញនៅប្រាសាទ Hong Nang Sida គឺជាប្រភពនៃព័ត៌មានអំពីបច្ចេកទេស និងការពាណិជ្ជកម្មរបស់ឡាវ”។ គម្រោងមូលនិធិ​បេតិកភណ្ឌ​វប្បធម៌​កូរ៉េនេះ ​ពីមុនមកធ្លាប់​បាន​ជួសជុលឡើងវិញនៅ​មណ្ឌប និង​ សំណង់រាងចតុកោណនៅពីមុខប្រាសាទនេះរួចម្តង មកហើយ និងនៅ​ក្នុងពាក់កណ្តាលទីពីរនៃឆ្នាំនេះពួកគេក៏មានគម្រោងស្រាវជ្រាវ និងជុសជុលនៅបរិវេណប្រាសាទនេះបន្តទៀត៕

ប្រភព៖ Korean cultural heritage investigation team discovers 317 relics in Laos Temple (k-odyssey.com)

- Advertisement -spot_img

អត្ថបទជាប់ទាក់ទង

អត្ថបទផ្សេងទៀត

- Advertisement -spot_img

បណ្ដាញសង្គម

17,247FansLike
191,100FollowersFollow
9,620SubscribersSubscribe
- Advertisement -spot_img
error: Content is protected !!