យោងតាម ទីភ្នាក់ងារសារព័ត៌មានរដ្ឋ Sichuan បានឱ្យដឹងថា ក្រុមអ្នកបុរាណវត្ថុវិទូបានរកឃើញនូវវត្ថុសិល្បៈដ៏មានតម្លៃជាច្រើន នៅទីតាំងផ្នូរបុរាណមួយកន្លែងក្នុងប្រាសាទ Sanxingdui ក្នុងខេត្ត Sichuan ភាគនិរតីនៃប្រទេសចិន។ គួរបញ្ជាក់ដែរថា វត្ថុសិល្បៈទាំងនោះមានដូចជា រូបបដិមាអំពីសំរឹទ្ធ និងរូបចម្លាក់នាគ ដែលជារបកគំហើញថ្មី និងជាទិន្នន័យដ៏សំខាន់ក្នុងការស្រាវជ្រាវផ្នែកបុរាណវិទ្យា ក្នុងអរិយធម៌ចិនបុរាណ។
គម្រោងនៃការស្រាវជ្រាវនេះ ដឹកនាំដោយក្រុមអ្នកស្រាវជ្រាវមកពីសាកលវិទ្យាល័យបេកាំង និងស៊ីឆន់ បានរកឃើញវត្ថុសិល្បៈរាប់ពាន់វត្ថុ ដែលរួមមានសំរឹទ្ធ មាស និងថ្លើមថ្ម។ អ្នកជំនាញបានលើកឡើងថា វត្ថុសិល្បៈទាំងនោះអាចមានអាយុកាលចាប់ពី៣.០០០ទៅ៤.៥០០ឆ្នាំ។
ទីតាំងនៃប្រាសាទ Sanxingdui ត្រូវបានរកឃើញនូវអំឡុងទសវត្សន៍ឆ្នាំ ១៩២០ ហើយប្រាសាទនេះ គឺជាកន្លែងបុរាណដ៏សំខាន់មួយក្នុងប្រទេសចិន។ អ្នកជំនាញបានលើកឡើងថា ទីតាំងប្រាសាទនេះ គឺតំបន់ដ៏សំខាន់ក្នុងរជ្ជកាល Shu បុរាណដែលមានអាយុកាល ៤ ៨០០ ឆ្នាំ។ រណ្តៅកំណាយចំនួន២ ដែលបានរកឃើញវត្ថុបុរាណទាំងនោះ គឺរណ្តៅទី៧ និងទី៨ ដែលភាគច្រើនជាវត្ថុអំពីសំរឹទ្ធ រួមមានដូចជាក្បាលនាគ និងប្រអប់សំរឹទ្ធដ៏ធំមួយ។
![](https://asset.ams.com.kh/khmercivilization/media/Screenshot-2022-07-10-213146-1024x723.png)
ប្រភព៖ Xinhua News Agency
ការរកឃើញនេះ គឺជាភស្ថុតាងដ៏សំខាន់អំពីទីតាំងនៃការបញ្ចុះវត្ថុរបស់មនុស្សសម័យបុរាណ ប៉ុន្តែអ្នកស្រាវជ្រាវពុំបានរកឃើញនូវគ្រោងឆ្អឹងរបស់មនុស្សនៅក្នុងរណ្តៅទាំងពីរនោះទេ។ ក្រុមអ្នកស្រាវជ្រាវបានគិតថា ហេតុដែលពុំឃើញមានគ្រោងឆ្អឹងនោះ គឺដោយសារបូជា។ នៅរណ្តៅទី៨ ក្រុមអ្នកបុរាណវិទ្យាបានរកឃើញនូវទីតាំងដែលទាក់ទងនឹងការផលិតសំរឹទ្ធដោយរកឃើញនូវរបាំងមុខ និងវត្ថុសិល្បៈផ្សេងៗទៀត។
លោក ហុងលីន មកពីវិទ្យាស្ថានបុរាណវិទ្យា ខេត្តស៊ីឆន់ បាននិយាយថា បំណែកនៃវត្ថុសិល្បៈទាំងនោះ គឺស្ថិតនៅក្នុងសិល្បៈ Shu និងខ្លះទៀតនៅសិល្បៈ Zhou។ វត្ថុទាំងនោះ គឺភស្ថុតាងដ៏សំខាន់ដែលបង្ហាញថា ប្រាសាទ Sanxingdui គឺសំខាន់នៅក្នុងអរិយធម៌ចិនសម័យបុរាណ។
![](https://asset.ams.com.kh/khmercivilization/media/Screenshot-2022-07-10-213034.png)
ប្រភព៖ Xinhua News Agency
ក្រុមអ្នកស្រាវជ្រាវមកពីវិទ្យាល័យបេកាំងបាននិយាយថា វត្ថុបុរាណប្រមាណជាង ១៣០០០ វត្ថុត្រូវបានរកឃើញនៅទីតាំងប្រាសាទ Sanxingduiz ចាប់តាំងពីឆ្នាំ ១៩២០ មក។
![](https://asset.ams.com.kh/khmercivilization/media/62b90404a310fd2bec91f959-1.jpeg)
![](https://asset.ams.com.kh/khmercivilization/media/62b90404a310fd2bec91f945-1.jpeg)
ប្រភព៖ Xinhua News Agency
ក្រុមអ្នកប្រវត្តិវិទូ និងអ្នកបុរាណវិទូជាច្រើនបានលើកឡើងថា ដើមកំណើតនៃអរិយធម៌ចិន គឺកើតឡើងនៅតំបន់ទន្លេលឿង និងទន្លេ Yangtze ខាងជើងប្រទេសចិន ប៉ុន្តែទីតាំងនៃតំបន់ប្រាសាទនេះ ត្រូវបានរកឃើញ និងកំណាយនៅអំឡុងឆ្នាំ ១៩៨០។
![](https://asset.ams.com.kh/khmercivilization/media/Screenshot-2022-07-10-213104.png)
ប្រភព៖ Xinhua News Agency
បន្ទាប់ពីជួសជុល លើវត្ថុសិល្បៈទាំងអស់នោះរួម ក្រុមអ្នកស្រាវជ្រាវនឹងយកទៅដាក់តាំងបង្ហាញនៅសារមន្ទីរ Sanxingdui ក្បែរនឹងទីក្រុង Guanghanក្នុងឆ្នាំ ២០២៣៕
ប្រភពឯកសារយោង៖
Ancient artifacts found in Sanxingdui, China help illuminate Shu kingdom (nbcnews.com)
http://www.chinadaily.com.cn/a/202206/27/WS62b90404a310fd2b29e68b0b_8.html