ទំព័រដើមប្រវត្តិសាស្ត្រសិលាចារឹកភូមិររោគ K.១៥៤៨ (ភាគ១)

សិលាចារឹកភូមិររោគ K.១៥៤៨ (ភាគ១)

សិលាចារឹកមួយផ្ទាំងនេះ មានអក្សរចារឹក​សង្ខាង ចារ​នៅ​លើ​ថ្ម​ភក់​ព័ណ៌​ផ្កា​ឈូក​ រចនា​រូបរាងជា​សីមាស្តម្ភ មានកម្ពស់ ៩៨ ស.ម. ​បន្ទារ២៦.៥ ស.ម. និង​កម្រាស់​ ១៩ ស.ម.។ សិលាចារឹកនេះ​ បានប្រទះឃើញនៅ​ពេល​គ្រឿង​ចក្រ​កាយ​ដី​​ប្រឡាយ​ក្បែរ​វត្ត​ពោធិ៍​វិ​ន័យរោគ ស្ថិតនៅក្នុងភូមិរោគ ឃុំស្ពានស្រែង ស្រុកភ្នំស្រុក ខេត្ត​បន្ទាយ​មានជ័យ។ ក្នុង​អំឡុងខែមិថុនា ឆ្នាំ២០១៩ ក្នុងពេលមន្ត្រីជំនាញបុរាណវិទ្យា​​របស់​មន្ទីរ​វប្បធម៌​និង​​វិចិត្រ​​សិល្បៈ​ខេត្ត ចុះ​ស្រាវជ្រាវនិងស្រង់ទិន្នន័យបុរាណដ្ឋាន​ក្នុង​ស្រុក​​ភ្នំស្រុក ក៏​បាន​ប្រទះ​​​ឃើញសិលាចារឹកនេះ នៅក្នុងបរិវេណវត្ត។ បន្ទាប់មក នៅថ្ងៃទី​២៨ ខែ​មិថុនា​ ឆ្នាំ​២០១៩ សិលាចារឹកនេះបានយកមករក្សា​ទុកនៅសារមន្ទីរខេត្តបន្ទាយ​មានជ័យ រហូត​មក​ដល់​សព្វថ្ងៃ។

ផ្ទៃចារឹកអក្សរ ខាត់រំលីងរាបស្មើល្អ ឯផ្នែកសង្ខាង​និង​ខាង​ក្រោមពុំ​បាន​សម្អាត​ឱ្យ​រាប​ស្មើល្អទេ។​ ផ្ទៃអត្ថបទខ្លះបានខូចខាតដោយសារថ្មរបេះបែក និងទំនងជាខូចខាតខ្លះ​ពេល​គ្រឿងចក្រកាយដីប៉ះចំ។ ប្រការនេះ នាំឱ្យមានការលំបាកបន្ដិច​បន្ដួចចំពោះការ​ស្វែង​​​យល់អត្ថន័យឃ្លាខ្លះដែលដាច់រលុបនោះ​។ អត្ថបទចារឹកទាំងសង្ខាងនេះ មានអក្សរសរុប​ចំនួន ៣៩ បន្ទាត់ ដែល​ផ្ទាំង​ក មានចំនួន ២៥ បន្ទាត់ និងផ្ទាំងខ មានចំនួន​ ១៥ បន្ទាត់។ នៅ​ផ្ទាំងខ ចាប់ពីពាក់​កណ្ដាល​បន្ទាត់ទី៧ មានទម្រង់អក្សរប្លែកពីអត្ថបទខាងដើម។ ទម្រង់​អក្សរនេះ ជាទម្រង់​អក្សរ​ជ្រៀងដៃ ដែល​គួរ​តែ​ជា​អត្ថបទ​ចារ​បំពេញ​បន្ថែម​ជា​បន្ដ​នៅ​ពេ​លក្រោយ។

សិលាចារឹកនេះ មានចុះកាលបរិច្ឆេទ​ខាងដើម​អត្ថបទ ប៉ុន្ដែដោយ​ផ្ទៃ​ថ្ម​រលុប​ដាច់​បាត់​​មួយ​តួលេខ នាំឱ្យពុំអាចដឹងច្បាស់​អំពីកាលបរិច្ឆេទ​នេះ។ យ៉ាងនេះក្ដី យើងអាចសិក្សានិងសន្និដ្ឋានអំពីកាលបរិច្ឆេទនេះបាន។​ តួលេខ​ខាង​ដើម​ដែល​យើង​អាច​អាន​បាន គឺលេខ «៩», តួលេខទីពីរ ​រលុប​​ដាច់បាត់, តួលេខទីបី គឺលេខ «១»។ យើង​អាច​ជួស​លេខ ត្រង់កន្លែងដែលបាត់នោះ​បាន និងប្រៀបផ្ទឹមកាលបរិច្ឆេទ​នោះ​ជាមួយ​សេចក្ដី​ក្នុង​អត្ថបទ​។ ចំពោះសេចក្ដី​ក្នុងអត្ថបទនេះ មាននិយាយទាក់ទង​នឹង​​សេចក្ដីក្រាប​ទូល​ថ្វាយ​​​ទៅ​​ព្រះបាទ​ជ័យវម៌្មទេវ ដែលទ្រង់គង់ប្រថាប់ក្នុងរាជធានី​ស្រី​យ​សោធរបព៌្វត (ឝ្រីយ​ឝោ​ធរបវ៌្វត)។ បើយើងជួសតួលេខ ពីលេខ «១»​ ដល់លេខ​ «៩» យើង​នឹង​ទទួល​បាន​កាល​បរិច្ឆេទ​និងរាជ្យព្រះមហាក្សត្រ​ដូចខាងក្រោម៖

មហាសករាជគ្រិស្ដសករាជព្រះមហាក្សត្រ
៩១១៩៨៩ជ័យវម៌្មទេវទី៥
៩២១៩៩៩ជ័យវម៌្មទេវទី៥
៩៣១១០០៩ជ័យវីរវម៌្មទេវ និង សូរ្យវម៌្មទេវទី១
៩៤១១០១៩សូរ្យវម៌្មទេវទី១
៩៥១១០២៩សូរ្យវម៌្មទេវទី១
៩៦១១០៣៩សូរ្យវម៌្មទេវទី១
៩៧១១០៤៩សូរ្យវម៌្មទេវទី១
៩៨១១០៥៩ឧទយាទិត្យវម៌្មទេវទី២
៩៩១១០៦៩ហស៌វម៌្មទេវទី៣

តាមរយៈកាលបរិច្ឆេទដែលទទួលបាន ព្រះនាមព្រះមហាក្សត្រ និងទម្រង់តួអក្សរ​ តួ​លេខ​ដែលសមស្រប គឺមហាសករាជឆ្នាំ ៩១១ ឬ ៩២១ ដែលត្រូវនឹង​រាជ្យ​ព្រះ​បាទ​ជ័យ​វម៌្ម​ទេវទី៥។

ចំណពោះ​អត្ថន័យសំខាន់​នៃសិលាចារឹកនេះ គឺជា​ការ​រៀប​រាប់​អំពី​សាវតារ​ដី​ស្រែ​គោល និង​ការកំណត់ព្រំប្រទល់ដីនេះ។ ក្នុងអត្ថបទ​នេះ ក៏មានចំណុចគួរឱ្យចាប់​អារម្មណ៍មួយចំនួនផងដែរ។ សេចក្ដីបកប្រែនិងសិក្សាលម្អិត​ នឹងផ្សាយជូននៅភាគបន្ដ។

អំណានសិលាចារឹក

សំណៅផ្ដិតសិលាចារឹកភូមិរោគ K.១៥៤៨ ផ្ទាំងក-ខ (រូបថត៖ ហ៊ុន​ ឈុនតេង)

ផ្ទាំងក

          ១-​​ ៙៩[[១/២]]១ឝកចតុ(ថ៌ិ)[[រោច៑/កេត៑?]] [មាគ៌្គ]ឝិ[រ] —

          ២- វារនុកំស្ដេង៑អញ៑ឝ្រីវីរេន្ទ្រា [[ធិបតិវម៌្ម???]] [ប]

          ៣- [ង្គំ]ថ្ប្វង៑និវេទនតធូលីវ្រះបាទ[ធូលីជេ]

          ៤- (ង៑)វ្រះកំម្រតេង៑អញឝ្រីជយវម៌្មទេវ[អា]

          ៥- យ៑នគរ​ឝ្រីយឝោធរបវ៌្វតតេមឝាខភូមិ

          ៦- (ស្រេ)គោល៑តម្ឫតកធនម្រតាញឝ្រិរាជេន្ទ្រាយុទ្ធ​◦គិ

          ៧- (តមោក៑ប្រេ/ត្រា?)តកុលេម្រតាញថ្វាយ៑បីខ្ម្យកំស្ដេង៑

          ៨- បង្គំថ្ប្វង៑និវេទនកាលអាយ៑វ្រះតវាង្ង◦បិស្វំ

          ៩- បិជ្វន្ដវ្រះកម្រតេង៑អញឝិវលិង្គ​អាយវ៌្វាតបុ

          ១០- ន្យ​នៃកំស្ដេង៑◦នុវភូមិស្រុក៑ស្រេកុត្វស៑តនៃអា

          ១១- ចាយ៌្យបន្ទិតពជ្រតស្រុក្កអន្រាយ៑វ្នុរ៑ទ្នង៑ប្រ

          ១២- មាន្មល្យាង្បមោក៑ទុញភូមិស្រេនោះតស្មេវ៑បិឆ្កា

          ១៣- (វ្រៃទុ)ក៑វ្រះស្ឋាបនា◦បិអាចាយ៌្យអ្វេង៑តិស្លាប៑ទៅ

១៤- (ហោ)ង៑◦បិយវ្រះនេះតិល្មាច៑ប-បង៑តោក៑ទៅ◦

១៥- បិអ្នក៑នេះមាន៑សំវន្ធនុវាប៑វ្រហ្មស្វំបិឱយ៑◦

១៦- (មា)ន៑វ្រះឝាសនធូលិវ្រះបាទ​ធូលិជេង៑វ្រះកំ

១៧- ម្រតេង៑អញប្រេកំស្ដេង៑ឱយ៑រោះហមន្ដិបង្គំថ្ប្វ

១៨- ង៑និវេទន◦កំស្ដេង៑បន្ទ្វល៑វ្រះឝាសនតវាប៑

១៩- វ្រហ្មឱយ៑រោះហវ្រះឝាសនធូលីវ្រះបាទ

២០- ធូលីជេង៑វ្រះកំម្រតេង៑អញ[ប្រេ](វាប៑វ្រ)ហ្មស្ឋា

២១- បនា(វ្រះ​)[[សិវលិង្គ]](ថ្វេបូជា)លេង៑រុកាល​អាចាយ៌្យ◦កំ

២២- ស្ដេង៑ប្រេវាប៑វ្រហ្ម​ចំចំនាំតវ្រះកម្រតេង៑អញ

២៣- អាយ៑វ៌្វារង្កោលិះ៥ប្រតិទិន◦ហេតុមន៑(មេភក-?)

២៤- ម្យេង៑/ល្យង៑វាប៑វ្រហ្ម–្ន(ប្រ)វេឝតោយលោញត្រល្យា

២៥-​​ ង៑តអ្រ្យាំកំស្ដេង៑បិវាបវ្រហ្ម​សក្វនតកំស្ដេង៑បិ

ផ្ទាំងខ

          ២៦- ទៅស្ឋាបនា​វ្រះនោះនុកំស្ដេង្ង៙គិចង៑វាត្តស្រេ

          ២៧- គោល៑◦តិបូវ៌្វប្រសប៑ស្រេសុរៃ◦តិទក្ឞិណប្រសប្ប

          ២៨-​ ស្រេតទៅតវាប៑ទ្វត៑◦តិបឝ្ចិមប្រសប្ប

          ២៩- ស្រេឆ្នាល៑◦តិឧត្តរប្រសប៑ស្រេអ្នក៑វ្រះតំ

          ៣០-​ ម្រ | ប្រត្យយតសង្គោល៑ប្រឝស្ដបិឱយ្តវាប៑

          ៣១- វ្រហ្ម◦ ស្ដេង៑អញសទាចាយ៌្យ◦ វាប៑និត៑ខ្លោញ

          ៣២- ស្រូជេង៑តរាញ ៙ វ្វំអាច្តិមាណវ្ឫហិ

          ៣៣- វិឞយ បយ៌្យង៑ វ្រះ(ពំ)លា ចញ្ចូល

          ៣៤- ផោង៑ គិចង៑វាត្តភូមិស្រេវ្រះអាយ៑

          ៣៥- ក(ន្វា)ស៑◦ តិបូវ៌្វលោ្វ[[ះ]]ប្រសប្បស្រេឝិល្បិ

          ៣៦- តិទក្ឞិណល្វោ[[ះ]]ប្រសប្បស្រេសមរានិវត៌្ត

          ៣៧- តិបឝ្ចិមល្វោ[[ះ]]ស្តុ[[ក៑]]ចាម្បប្រសប៑ស្រេអ្មិ/ស្មិត

          ៣៨- តិឧត្តរល្វោះប្រសប្បស្រេជៃ—

          ៣៩- តិវាប៑អាតឝបថ ◦

- Advertisement -spot_img

អត្ថបទជាប់ទាក់ទង

អត្ថបទផ្សេងទៀត

- Advertisement -spot_img

បណ្ដាញសង្គម

18,489FansLike
191,100FollowersFollow
10,600SubscribersSubscribe
- Advertisement -spot_img
error: Content is protected !!