ថ្ងៃសុក្រឆ្នាំទាំង៥ ខាល ថោះ វក រកា កុរ រាសីឡើងខ្ពស់ត្រដែតក្នុងថ្ងៃនេះ សំណាងល្អ ទ្រព្យសម្បត្តិ ដំណែងការងារ និងពេលវេលាល្អ

ឆ្នាំជូត

សម្រាប់លោកអ្នកដែលមានកំណើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីលោកអ្នកថ្ងៃនេះស្រុតចុះ។ ថ្ងៃនេះលោកអ្នកហាក់មានចិត្តស្រាល មិនចេះអត់ធ្មត់ និងមិនចេះសម្រេចចិត្តឲ្យបានត្រឹមត្រូវ។ លោកអ្នកនឹងទទួលបានលទ្ធផលពីការងារ និងអាជីវកម្ម ដោយការបង្ហាញគុណសម្បត្តិដែលល្អៗ ប៉ុន្តែសូមមានចិត្តល្អសណ្តោសប្រណី បើមិនដូច្នេះទេគ្មានសញ្ញាណនៃភាពជោគជ័យនោះទេ។ ថ្ងៃនេះមិនមែនជាពេលវេលាល្អសម្រាប់សាងទំនាក់ទំនងស្នេហាសោះឡើយ ព្រមទាំងមានបញ្ហាសុខភាពផងដែរ ពិសេសទាក់ទងនឹងស្បែក។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីអស់លោកអ្នកនៅក្នុងថ្ងៃនេះល្អជាមធ្យម។ ថ្ងៃនេះកុំបារម្ភអ្វីឡើយ សំណាង និងលាភសក្ការៈឈរខាងអ្នកជានិច្ច។ បញ្ហាតិចតួចនៅប្រកៀកនឹងអ្នក ប៉ុន្តែអ្នកអាចរួចផុតពីបញ្ហានេះប្រសិនបើអ្នកបង្ហាញពីប្រាជ្ញា និងការអត់ធ្មត់។ កុំឆាប់ខឹង ស្ងៀមស្ងាត់ ខំប្រឹងធ្វើការងារ និងអាជីវកម្មរបស់អ្នកជាប្រក្រតី។ សម្រាប់គូស្នេហ៍ ចូរសំដែងភាពស្មោះត្រង់ទៅដៃគូ។ 

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។  រាសីអស់លោកអ្នកក្នុងថ្ងៃនេះឡើងខ្ពស់ត្រដែត។ មុខរបររកស៊ីជួញដូរ និងកិច្ចការងានានាសម្រេចបានផ្លែផ្កាជាទីមោទនក្រៃលែង។ លោកអ្នកអាចជួបប្រទះផលលំបាកខ្លះ ប៉ុន្តែសមត្ថភាពក្នុងការធ្វើទំនាក់ទំនងជាមួយមនុស្សជុំវិញខ្លួន ជួយអ្នកឲ្យបានជោគជ័យ និងក្តីសុខ។ ទំនាក់ទំនាក់ស្នេហាកំឡោះក្រមុំមានភាពផ្អែមល្ហែមណាស់ ហើយការគិតរបស់អ្នកក៏ដូចគ្នានឹងដែគូដែរ។ វិបត្តិទំនាក់ទំនងអាចកើតមាន ប្រសិនបើអ្នកគ្មានភាពស្មោះត្រង់ចំពោះគ្នា។

ឆ្នាំថោះ

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។  រាសីអស់លោកអ្នកក្នុងថ្ងៃនេះខ្ពស់ត្រដែត។ លោកអ្នកនឹងជាមេក្នុងការដឹកនាំការងារធំតូចនានា ចំណែកអ្នករកស៊ីវិញ គ្មានគូប្រជែងណាមានសមត្ថភាពមករំខានឳកាសប្រមូលទ្រព្យរបស់អ្នកបានទេ។  រីករាយជាមួយជីវិត ហើយមិនចាំបាច់រំលឹករកហេតុផល ដែលនាំឲ្យសោកសៅនោះទេ។​ ចែករំលែកក្តីស្រមៃជាមួយដៃគូ  ប្រហែលជាបំណងរបស់អ្នក ដូចនឹងបំណងរបស់ដៃគូដែរ។ ចំពោះសុខភាព ចូរយកចិត្តទុកដាក់នឹងអារម្មណ៍រវើរវាយ។  

ឆ្នាំរោង

សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ រាសីអស់លោកអ្នកថ្ងៃនេះល្អជាមធ្យម។ លាភសំណាង និងរង្វាន់ជាទីគាប់ចិត្តមិនធ្វើឲ្យលោកអ្នករងចាំឡើយ។ លោកអ្នកអាចសម្រេចចិត្តធ្វើការធំ ឬធ្វើដំណើរផ្សងពេ្រងបានដោយគ្មានអ្វីជំទាស់ទេ ប៉ុន្តែជៀងវាងពិភាក្សាការងារសំខាន់ជាមួយមនុស្សឆ្នាំចរ។ ថ្ងៃនេះលោកអ្នកមានសមត្ថភាពពេញលេញក្នុងការកែប្រែស្ថានការណ៍នៅក្នុងជីវិតឲ្យកាន់តែប្រសើរ ដូច្នេះចូរលះបង់ពេលវេលាក្នុងថ្ងៃនេះធ្វើអំពើល្អ។  ទំនាក់ទំនងរបស់គូស្នេហ៍មានភាពរលូន ប៉ុន្តែអ្វីៗអាស្រ័យលើការអត់ធ្មត់។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ រាសីអស់លោកអ្នកក្នុងថ្ងៃនេះល្អជាមធ្យម។ លុយកាក់ និងលាភសំណាងនៅចំពោះមុខ​ ប៉ុន្តែបញ្ហានោះគឺថា អ្នកប្រឹងប្រែងខ្លាំងប៉ុណ្ណាដើម្បីចាប់យកឳកាសនេះ។ សម្រាប់មុខរបរការងារ សូមបន្ថែមសកម្មភាពជាងមុន ពីព្រោះលោកអ្នកមានមនុស្សប្រកួតប្រជែងច្រើន។ មនុស្សដែលអ្នកអាចពឹងពាក់បានជាមនុស្សភេទដូចគ្នា ហើយមានកំណើតឆ្នាំ​រោង។ ពេលវេលាល្អក្នុងការចាប់ផ្តើមការងារ គឺតាំងពីព្រហ៊ាម។ រីករាយនឹងជីវិត ហើយដោះស្រាយបញ្ហា ដោយសន្តិវិធី។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកក្នុងថ្ងៃនេះល្អជាមធ្យម។  ការងារ និងរបររកស៊ីដំណើរការទៅជាប្រក្រតី។ លាភសំណាងស្ថិតនៅក្នុងគន្លងដែលអ្នកកំពុងដើរ ប៉ុន្តែលោកអ្នកមិនទាន់ទទួលបានវានៅឡើយទេក្នុងថ្ងៃនេះ។ លោកអ្នកអាចចេញពីបញ្ហាបាន​ ប្រសិនជាអ្នកចាប់ផ្តើមឆ្លើយតបដោយស្ងប់ស្ងាត់ចំពោះស្ថានភាពអាក្រក់។ បើសិនលោកអ្នកមានមន្ទិល ត្រូវឈប់បន្តិច​ ហើយគិតគូរឡើងវិញ។ កុំបំពុលជិវិតរបស់អ្នកដោយការច្រណែន និងការសង្ស័យ។ សម្រាប់សុខភាពចូរប្រយ័ត្នការបរិភាគអាហារ និងទទួលទានទឹក ព្រោះលោកអ្នកមានសញ្ញាណទទួលជាតិពុល។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាសី្រ។ រាសីអស់លោកអ្នកក្នុងថ្ងៃនេះស្រុតចុះ។ ថ្ងៃនេះ ប្រសិនបើអ្នកមិនពេញចិត្តជាមួយការងារ និងរបររកស៊ីសព្វថ្ងៃ សូមកុំមានចិត្តរាយមាយជាមួយនឹងផលលាភដែលមិនស្ថិតនៅកៀកនឹងដែរបស់អ្នក។ តស៊ូ ហើយរកវិធីសាស្រ្តកែប្រែស្ថានការណ៍ប្រសើរជាង។ លាក់បាំងភាពបរាជ័យ និងបញ្ហា ប្រសិនបើអ្នកចង់បង្កើនទំនាក់ទំនងជាមួយក្មេងៗ ពិសេសកូនចៅ។ ទំនាក់ទំនងប្តីប្រពន្ធអាចមានភាពចម្រូងចម្រាស់បន្តិច។ 

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកនៅក្នុងថ្ងៃនេះខ្ពស់ត្រដែត។ លោកអ្នកឈរលើកំពូល ដែលអាចយកឈ្នះបញ្ហានានា ក្នុងរង្វង់ការងារ និងអាជីវកម្ម។ ទ្រព្យសម្បត្តិ លាភសំណាងបានមកដល់ដៃអ្នកហើយ ប៉ុន្តែរាសីថ្ងៃនេះតម្រូវឲ្យលោកអ្នកធ្វើបុណ្យដាក់ទាន និងរក្សាឥរិយាបថឲ្យបានប្រពៃ។ លោកអ្នកអាចរៀបចំពិធីមង្គលផ្សេងៗបានមិនមានជំទាស់អ្វីទេ។ សម្រាប់សុភមង្គលក្នុងគ្រួសារ មានភាពចុះសម្រុង និងអនុគ្រោះគ្នាប្រសើរណាស់។   

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។ រាសីអស់លោកអ្នកនៅក្នុងថ្ងៃនេះខ្ពស់ត្រដែត។ លទ្ធផលល្អក្នុងការងារទទួលបានក្នុងថ្ងៃនេះ ចៅហ្វាយនាយកំពុងសំលឹងមើលលទ្ធផលការងារបស់អ្នក។ ឳកាសក្នុងផ្នែកហិរញ្ញវត្ថុ មានច្រើនគ្រប់ទីកន្លែង ប៉ុន្តែអ្នកត្រូវធ្វើការជាក្រុម ទើបអាចសម្រេចជោគជ័យ និងទទួលបានផ្លែផ្កានោះ។ ជឿទុកចិត្តលើគំនិតរបស់ខ្លួន​ ប៉ុន្តែមិនឲ្យបោះបង់គំនិតអ្នកដទៃទេ។ ម៉ោងសំណាងគឺរវាងម៉ោង៩ព្រឹក ទៅម៉ោង១១ព្រឹក។ ប្រយ័ត្នក្នុងការធ្វើដំណើរផ្លូវឆ្ងាយ។ ស្នេហាកំឡោះក្រមុំមានភាពផ្អែមល្ហែមណាស់។

ឆ្នាំចរ

សម្រាប់លោកអ្នកដែលមានកំណើតឆ្នាំចរ  នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកក្នុងថ្ងៃនេះស្រុតចុះ។ លោកអ្នកស្ថិតក្នុងដំណាក់កាលលំបាកក្នុងការទទួលបានផលចំណេញ ព្រមទាំងជោគជ័យ ប៉ុន្តែទោះយ៉ាងនោះក្តី អ្នកមានអំណាចផ្លាស់ប្តូរស្ថានភាពក្នុងជីវិតឲ្យកាន់តែប្រសើរ។ លោកអ្នកអាចជួបប្រទះព្យុះក្នុងជីវិត ដូច្នេះត្រូវរៀនទប់អារម្មណ៍ ហើយឆ្លើយតបជាមួយនឹងបញ្ហាដោយភាពវ័យឆ្លាត និងរឹងមាំ។ កុំបាក់ទឹកចិត្ត ប្រសិនបើចំណង់ចំណូលចិត្ត និងបំណងត្រូវស្លាប់ក្នុងទំនាក់ទំនង។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកនៅក្នុងថ្ងៃនេះខ្ពស់ត្រដែត។ លោកអ្នកនឹងទទួលផលចំណេញជាប្រាក់កាក់ច្រើនឥតគណនា។ ចូរប្រើរាសីថ្ងៃនេះកសាងគ្រឹះបន្ថែមសម្រាប់ជោគជ័យនៅថ្ងៃបន្ទាប់។ សូមកុំវង្វេងនឹងភាពឆើតឆាយដែលមាននៅជុំវិញខ្លួន។ ទប់ទល់នឹងបញ្ហាល្អិតល្អោចដែលមិនចាំបាច់ ព្រោះវាក៏បណ្តាលឲ្យអ្នកមានបញ្ហាឈឺក្បាលខ្លាំងផងដែរ។ ពិភាក្សាជាមួយដៃគូ ប្រសិនបើមិនដឹងជាត្រូវធ្វើអ្វីឲ្យល្អប្រសើរ។ លំហូរឈាមមិនប្រក្រតី បណ្តាយឲ្យអ្នករលាកក្នុងប្រហោងធ្មេញ ចូររក្សាសុខភាពរបស់អ្នក។

រៀបរៀងដោយ៖ កញ្ញា មាស សុភាព