ប្រទេសអ៊ីស្រាអែល៖ គ្រោងឆ្អឹងសត្វដំរីដែលបានផុតពូជទៅហើយកាលពីសម័យបុរេប្រវត្តិត្រូវបានរកឃើញកាលពីថ្ងៃពុធ ដោយអ្នកបុរាណវិទូអ៊ីស្រាអែល។ ក្រុមអ្នកស្រាវជ្រាវបានជឿថា ជាគ្រោងឆ្អឹងសត្វដំរីដែលមនុស្សសម័យបុរេប្រវត្តិបរបាញ់ សម្លាប់យកសាច់ ឬយកមកបូជាក្នុងលិទ្ធសាសនាណាមួយនៅសម័យបុរេប្រវត្តិ។ គ្រោងឆ្អឹងនោះ ត្រូវបានរកឃើញនៅជិតស្ថានីយបុរាណវិទ្យាគីបប៊ូស នៅភាគខាងត្បូងនៃប្រទេសអ៊ីស្រាអែល។
ប្រភព៖ AFP
ប្រភព៖ AFP
ប្រភព៖ AFP
អាជ្ញាធរជាតិគ្រប់គ្រងវត្ថុបុរាណរបស់អ៊ីស្រាអែល (IAA) បានប្រកាសថា ហ្វូស៊ីលដែលមានប្រវែង 2.6 ម៉ែត្រ (8.5 ហ្វីត) ដែលភ្លុកនៃសត្វដំរីដែលផុតពូជយូរមកហើយ ត្រូវបានរកឃើញក្នុងអំឡុងពេលធ្វើកំណាយរួមគ្នាជាមួយអ្នកស្រាវជ្រាវមកពីសាកលវិទ្យាល័យ Tel Aviv និងសាកលវិទ្យាល័យ Ben-Gurion។
ប្រភព៖ AFP
គ្រោងឆ្អឹងនេះមានទម្ងន់ប្រហែល 150 គីឡូក្រាម (330 ផោន) ត្រូវបានរកឃើញដោយអ្នកជីវវិទូ Eitan Mor នៅឯកន្លែងកំណាយមួយនៅជិត Revadim។ លោក Avi Levy ជាមន្ត្រីធ្វើការនៅ IAA ដែលដឹកនាំការធ្វើកំណាយនេះ បាននិយាយថា វាគឺជា «ហ្វូស៊ីលភ្លុកធំជាងគេបំផុត មិនធ្លាប់មាននៅទីតាំងបុរេប្រវត្តិនៅអ៊ីស្រាអែល ឬនៅតំបន់បូព៌ា»។ អ្នកប្រវត្ដិសាស្រ្ដរូបនេះបានបន្ថែមថា «យើងមិនបានរកឃើញសំណល់របស់មនុស្សនៅទីនេះទេ យើងរកឃើញតែវត្ថុសិល្បៈ និងសម្ភារៈរបស់ពួកគេប៉ុណ្ណោះ ដូចជាសំរាមដែលគេបោះចោលបន្ទាប់ពីការប្រើប្រាស់មិនថាឆ្អឹងសត្វ ឬឧបករណ៍ធ្វើពីថ្ម»។ លោក Levy បាននិយាយថា ការធ្វើកំណាយពីមុននៅទីតាំង Revadim បានបង្ហាញពីភស្តុតាងនៃការកែច្នៃឆ្អឹងដំរីដែលខ្លះត្រូវបានប្រែក្លាយទៅជាឧបករណ៍ប្រើប្រាស់ដោយមនុស្ស ហើយខ្លះមានស្នាមកាត់សម្រាប់ប្រើប្រាស់។
ប្រភព៖ AFP
លោក Omry Barzilai ដែលជាអ្នកបុរាណវត្ថុវិទូរបស់ IAA បាននិយាយថា ការរកឃើញនេះគឺ «គួរឱ្យឆ្ងល់ និងគួរឱ្យឆ្ងល់ណាស់» ព្រោះវាមិនច្បាស់ថា តើមនុស្សបុរាណបានបរបាញ់សត្វនៅនឹងកន្លែងនេះ ឬថាតើពួកគេបាននាំយកភ្លុកសត្វមកកន្លែងនេះឬ។ លោកបានបន្តថា៖ «ពួកគេប្រហែលជាបានរៀបចំពិធីពីសត្វដំរីទាំងនេះ ហើយនៅពេលណាមួយពួកគេត្រូវផ្លាស់ទីលំនៅ ទៅរកកន្លែងរស់នៅថ្មី»។កន្លះលានឆ្នាំមុន នៅពេលដែលដំរីបុរាណបានងាប់ ដីដែលស្ងួតហួតហែងគឺទំនងជាវាលភក់ ឬបឹងរាក់ ដែលជាជម្រកដ៏ល្អសម្រាប់មនុស្សបុរាណ៕
ដកស្រង់ពី៖ Israel recovers large tusk of ancient elephant near ancient kibbutz | Daily Sabah
