ទំព័រដើមប្រវត្តិសាស្ត្របុរាណវិទ្យាស្ថានីយបញ្ចុះសពយុគសំរិទ្ធមួយកន្លែងត្រូវបានរកឃើញនៅតំបន់Cambridge

ស្ថានីយបញ្ចុះសពយុគសំរិទ្ធមួយកន្លែងត្រូវបានរកឃើញនៅតំបន់Cambridge

ផ្នូរបញ្ចុះសព ក្នុងយុគសំរិទ្ធមួយកន្លែង ត្រូវបានរកឃើញកំឡុងពេលធ្វើកំណាយនៅតំបន់អភិវឌ្ឍន៍លំនៅដ្ឋានមួយក្នុងតំបន់ Cambridge។ ទីតាំងដែលបានរកឃើញទីតាំងបញ្ចុះសពនោះគឺស្ថិតនៅ Eddeva Park ក្នុង តំបន់Cambridge។ គម្រោងកំណាយនេះ គឺដឹកនាំដោយក្រុមអ្នកស្រាវជ្រាវមកពី Oxford Archaeology East។ ក្នុងអំឡុង​ពេល​ធ្វើកំណាយ ពួកគេ​បាន​រក​ឃើញ​សព​ចំនួន​១២ និង​កោដ្ឋចំនួន​៥​នៅ​ទីតាំង​នោះផ្ទាល់។ ក្នុងនោះ ក៏បានព្រួញ ដែលភាគច្រើនកប់ជាមួយនឹងសព ក្នុងយុគសំរិទ្ធ ហើយភាគច្រើនមានកាលបរិច្ឆេទពីចន្លោះឆ្នាំ ២២០០មុនគ.ស. និង ១០០០មុនគ.ស.។

គ្រោងឆ្អឹងដែលអ្នកស្រាវជ្រាវបានរកឃើញនៅតំបន់ Eddeva Park
ប្រភព៖ Oxford Archaeology East

លោក Louise Moan អ្នកគ្រប់គ្រងគម្រោងជាន់ខ្ពស់នៅ Oxford Archaeology East បាននិយាយថា ផ្នូរដែលបានរកឃើញនេះ គឺគ្រាន់តែជាផ្នែកមួយនៃកន្លែងទីបញ្ចុះសពដ៏ធំក្នុងតំបន់នេះ  ដែលយើងកំពុងធ្វើកំណាយ។ ទីតាំងនេះ គឺមានការតាំងទីលំនៅក្នុងយុគសំរិទ្ធ។ ក្រៅពីនេះ ក៏បានរកឃើញពីរកន្លែងផ្សេងទៀតដែលមានវត្ថុសិល្បៈជាច្រើន រួមមានចានឆ្នាំង ឆ្អឹងសត្វ ឆ្អឹងសម្រាប់ធ្វើជាអាវុធជាដើម។

ទីតាំអបញ្ចុះសពដែលអ្នកស្រាវជ្រាវបានរកឃើញនៅតំបន់ Eddeva Park
ប្រភព៖ Oxford Archaeology East

លោក Brenda Kibblewhite មកពីក្រុមហ៊ុនអភិវឌ្ឍន៍ This Land បាននិយាយថា «ដំណាក់កាលដំបូងនៃការអភិវឌ្ឍន៍ Eddeva Park របស់យើងបានបង្ហាញពីការរកឃើញដ៏គួរឱ្យភ្ញាក់ផ្អើលមួយចំនួន ហើយនេះគឺជាឱកាសដ៏ល្អមួយដើម្បីមើលការងារប្រវត្តិសាស្ត្រនេះ និងជួបអ្នកជំនាញ»។ បន្ទាប់ពីការធ្វើកំណាយរួច ទីតាំងនេះនឹងត្រូវសាងសង់ផ្ទះចំនួន ២៣០ខ្នង ដែលនឹងចាប់ផ្តើមនៅខែតុលាខាងមុខនេះ៕

ប្រភព៖ https://www.bbc.com/news/uk-england-cambridgeshire-63000585

- Advertisement -spot_img

អត្ថបទជាប់ទាក់ទង

អត្ថបទផ្សេងទៀត

- Advertisement -spot_img

បណ្ដាញសង្គម

18,447FansLike
191,100FollowersFollow
10,200SubscribersSubscribe
- Advertisement -spot_img
error: Content is protected !!