ទំព័រដើមប្រវត្តិសាស្ត្របុរាណវិទ្យាសត្វ​សមុទ្រទ្រីឡូបាយ​ អាយុ៥០០លានឆ្នាំមុន រកឃើញនៅ​ខេត្ត​បន្ទាយ​មាន​ជ័យ

សត្វ​សមុទ្រទ្រីឡូបាយ​ អាយុ៥០០លានឆ្នាំមុន រកឃើញនៅ​ខេត្ត​បន្ទាយ​មាន​ជ័យ

តើ​សត្វ​ទ្រីឡូបាយ​ Trilobiteជាអ្វី? ​វាជា​ប្រភេទសត្វសមុទ្រ​​ដែល​មាន​កំណើត​មក​ជា​យូរយារណាស់​មក​ហើយ​។​ Trilobites គឺជាសត្វសមុទ្រសំបូរច្រើន និងមានការលូតលាស់ល្អជាងគេ ក្នុងចំណោមសត្វសមុទ្រដំបូងគេទាំងអស់ ដែលមាននៅក្នុងមហាសមុទ្រជិត ២៧០ លានឆ្នាំ ដោយមានជាង ២២,០០០ ប្រភេទត្រូវបានលើយកបរិយាយ​ និងសិក្សា។ Trilobite ស្ថិត​នៅ​ក្នុង​សាខា Arthropoda ក្នុង​នោះមាន​ដូច​ជា​ពពួក​ សត្វ​បាលាំងកាស​ ក្តាម និង​សត្វ​ផ្សេងៗ​មួយ​ចំនួន​ទៀត​។

តារាង​វគ្គីសាស្ត្រ (Taxonomy)​

Kingdom រជ្ជៈPhylum សាខាClass ថ្នាក់Order លំដាប់Family សណ្តានGenes ពួកSpecies ប្រភេទ
AnimalArthropodaTrilobita    

​ការ​រស់​នៅ​នៃ​ពពួក​ Trilobite មាន​វត្ត​មានក្នុង​ស័ក Paleozoic (២៥២-៥៤២លាន​ឆ្នាំ​)សម័យកាល​​ Cambrian (៤៨៥.៤-៥៤២លាន​ឆ្នាំ) មាន​ការ​រីក​ចំរើន ​និង​មាន​ពូជ​កាន់​តែ​ច្រើន រហូត​មកដល់​​ចុង​សម័យកាល​ Permian (២៥២-២៩៩ លាន​ឆ្នាំ​)។

ប្រភព៖​ google

ការ​សិក្សា​ស្រាវជ្រាវ​នៅ​កម្ពុជា

សត្វ​ទ្រី​ឡូបាយ ឃើញមានវត្តមាននៅ​ខាង​ជើង​ឈៀង​ខាងលិច​ ខេត្ត​ស្ទឹង​ត្រែង​ ប្រមាណ១០​គីឡូម៉ែត្រ​។​ តែ​ទីតាំង​នេះ​ខ្ញុំ​ក៏​មិន​ទាន់​បាន​រក​ឃើញ​នៅ​ឡើយ​នោះ​ទេ​។ តាមរយៈការចុះសិក្សា​នៅ​តំបន់​ភ្នំ​បាក់ជាលើកទី៣របស់ក្រុ​ម​ការងារ​សិក្សាផូស៊ីល​នៃ​នាយកដ្ឋាន​តំបន់បេតិ​ភណ្ឌ នៅ​​ពី​ថ្ងៃ​ទី​១២ ខែតុលា​ ឆ្នាំ​២០២២។ ការ​សិក្សា​នេះ​ក្រុម​ការងារ​សិក្សា​ផ្តោ​ត​ទៅ​លើ​​បរិស្ថាន ​នៃ​ជី​វិត​សត្វ​សមុទ្រ​សម័យ​បុរាណ​ក្នុង​តំបន់​បេតិ​កភណ្ឌ​ធម្មជាតិ​ ភ្នំ​បាក់​ ស្ថិតក្នុង​ភូមិសាស្រ្ត​ សង្កាត់ទឹកថ្លា​ ក្រុងសិរីសោភ័ណ​ ខេត្តបន្ទាយមានជ័យ​។

ផែន​ទី​បង្ហាញទីតាំង​សិក្សា​ ភ្នំ​បាក់

ក្នុងការសិក្សានេះ ក្រុមការងារ​បាន​បែងចែករៀប​ចំ​ប្លង់ជាពីរទីតាំងសម្រាប់ធ្វើការ​សិក្សា​ ដោយទីតាំង​ទី​១​មាន​ទំហំ​២៥​ម៉ែត្រ​ការ៉េ និង​ទីតាំ​ង​ទី​២​មាន​ទំហំ​៣០​ម៉ែត្រ​ការ៉េ​ ដែល​មាន​ទីតាំង​នៅភាគ​ខាង​ត្បូង​ភ្នំ​នៃ​ជើង​ភ្នំ។ នៅ​​ទីតាំង​ទី២​ យើង​បាន​រក​ឃើញសំណាកសត្វសមុទ្រ​ម្យ៉ាង​ហៅ​ថា​ ទ្រី​ឡូ​បាយ​ Trilobite ដែល​ជា​ប្រភេទ​សត្វ​ដ៏​មាន​វ័យ​ចំណាស់​មួយ​នៅ​លើ​ពិ​ភព​លោក​។ ក្នុងនោះយើងបាន​រក​ឃើញ​សំណាក​សត្វ​ទ្រីឡូ​បាយនេះចំនួន​២​ ដែល​មាន​ទំហំ២ស.ម។​

តាំង​សិក្សានៅ​ភ្នំ​បាក់​ PB. Site 2

សំណាកនេះ​ យើង​ឃើញ​តែ​ផ្នែក​កន្ទុយកប់​ក្នុង​ស្រទាប់​ថ្មផុយ​មាន​ខ្សាច់​លាយ​​ដី​ល្បាប់​។ ដោយឡែកផ្នែក​ខាង​ក្បាល​​អាច​​​មានកប់​ក្នុង​នោះ​ក៏​ថា​បាន លុះត្រា​មាន​ការ​សម្អាត​​យកដី​ ឬ​ថ្ម​ចេញ។​ ជាមួយគ្នានេះយើង​ក៏​បាន​ឃើញពពួក​ខ្យង ​ដែល​មាន​រូប​រាង​ប្រ​ហាក់​ប្រហែល​នឹង​ខ្យង​នាពេល​បច្ចុប្បន្ន ពពួកប្រាព្យូពូត ពពួក​គ្រី​ណូអ៊ីត​ ដែល​បាន​រស់​នៅ​ផ្តុំ​គ្នា​ផង​ដែរ​។​ ការ​រក​ឃើញ​វត្តមាន​​របស់​សត្វ​ទ្រី​ឡូ​បាយ​បាន​បង្ហាញ​ពី​ភាព​ចាស់​នៃ​តំបន់​នោះ​ ដូ​ចជា​ភ្នំ​បាក់​តាម​រយៈ​ផែន​ទី​ភូគព្ភសាស្ត្រ​ បាន​កំណត់​តំបន់​ភ្នំ​បាក់​ក្នុង​អាយុ​កាល​ស័ក​ ​Paleozoic (២៥២-៥៤២លាន​ឆ្នាំ​) សម័យកាល Permian (២៥២-២៩៩លាន​ឆ្នាំ​)។​ ចំពោះ​ទីតាំង​ដែល​យើង​បាន​សិក្សា​នៅ​ទីតាំង​ទី​២ ​អាច​មាន​អាយុ​ចាស់​ជា​ង​សម័យ​កាល​ Permian។ នេះ​គ្រាន់​តែ​ជា​ការ​សន្និដ្ឋាន​មួយ​បណ្តោះ​អាសន្ន តែប៉ុណ្ណោះ ដោយចាំ​បាច់​ត្រូវ​សិក្សា​លម្អិតអំពី​ប្រភេទ​ផូស៊ីល សត្វ​សទ្រី​ឡូ​បាយ​ បន្ថែមទៀត​ ដោយយកទៅប្រៀប​ធៀបជាមួយនឹង​តារាង​នៃ​ការ​វិវត្ត​ន៍​របស់​សត្វ​ទ្រី​ឡូ​បាយ​ នោះ​យើងនឹងអាច​ដឹងពី​អាយុ​ប្រហាក់​ប្រហែលរបស់ផូស៊ីលសត្វ​សទ្រី​ឡូ​បាយនេះ​បាន​។​

ផូស៊ីល​សត្វ ទ្រីឡូបាយ Trilobite
ផូស៊ីល​សត្វ ទ្រីឡូបាយ ខ្យង​ ប្រាព្យូពូត និង​សត្វ​សមុទ្រ​ផ្សេងៗ

ជារួមការរក​គំហើញ​នេះ គឺអាច​បង្ហាញ​អំពី​ភាព​ចំណាស់​ នៃ​វត្ត​មាន​សត្វ​បុរេជីវៈចម្រុះ និង​ជា​ភស្តុតាង​ដ៏​សំខាន់​មួយ​សម្រាប់​ប្រ​វត្តិ​សាស្ត្រ​ធម្មជាតិ​នៃ​ប្រទេស​កម្ពុជា​។​ ក្រុម​ការងារ​និង​បន្ត​សិក្សា​លើ​សត្វ​នេះ​នៅ​ពេល​ក្រោយ​ជា​បន្ត​ទៀត​៕

————————–

500-Million-Year-Old Trilobite Fossil Found in Banteay Meanchey

What is a Trilobite? It is a marine species that was born a long time ago. Trilobites are abundant marine animal species and the best-growing among the early marine species existing in the ocean for almost 270 million years ago, with more than 22,000 species being described and studied. Trilobites are found in the Arthropoda Phylum, which includes the horseshoe crab, the Crab, and some other animals.

In addition, Trilobite species were in the Paleozoic (252-542 million years) and the Cambrian period (485.4-542 million years). This species increased until the end of the Permian period (252-299 million years).

Conducting research in Cambodia

The trilobite is found about 10 km northwest of Stung Treng province, but I have not yet found this location. This is the third study on the Phnom Bak area that was conducted by the Fossil Study Team of the Heritage Zone Department on October 12, 2022. The study focused on the environment of ancient marine life at the Phnom Bak natural heritage site located in Sangkat Teuk Thla, Serey Sophorn City, Banteay Meanchey Province.

In this study, the team divided the study area into two sites, the first site is 25 square meters and the second site is 30 square meters, located in the southern part of the mountain base. At the second site, we found a marine animal specimen called the Trilobite which is an older species in the world. There are two of Trilobite specimens have been found within 2 cm in size.

In these specimens, we see only the tail part buried in the rock-stone layer. In particular, the head part may be buried in the rock-stone layer. In addition, we have also seen shell species that look like shells today, Brachiopods and Crinoids that have survived together. The presence of Trilobite species and according to geological maps, the Phnom Pak area is identified as in the Paleozoic era (252-542 million years) and the Permian era (252-299 million years). Thus, the second site found Trilobite specimens may be older than the Permian era. This is only a temporary conclusion, with the need to further study in detail species of Trilobite fossils that compare with the evolutionary table of the Trilobite, so we will be able to know the approximate age of this Trilobite fossil.

Overall, this discovery could indicate the age of the presence of marine biodiversity and is an important evidence for the natural history of Cambodia.

អត្ថបទដោយ៖ លោក លឹម វណ្ណច័ន្ទ

- Advertisement -spot_img

អត្ថបទជាប់ទាក់ទង

អត្ថបទផ្សេងទៀត

- Advertisement -spot_img

បណ្ដាញសង្គម

18,489FansLike
191,100FollowersFollow
10,600SubscribersSubscribe
- Advertisement -spot_img
error: Content is protected !!