*ចំណាំ៖ ឆ្នាំទាំង៤ ថោះ រោង មមែ រកា រាសីឡើងខ្ពស់ត្រដែត។
ឆ្នាំទាំង៥ ឆ្លូវ ខាល វក ច កុរ រាសីល្អមធ្យម។
ឆ្នាំទាំង៣ ជូត ម្សាញ់ មមី រាសីស្រុតចុះ។
ឆ្នាំថោះ
សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកក្នុងថ្ងៃនេះឡើងខ្ពស់ត្រដែត។ អាជីពរបស់អ្នកថ្ងៃនេះសំឡឹងឃើញនូវ ភាពរីកចម្រើនយ៉ាងខ្លាំងនៅថ្ងៃអនាគត។ លោកអ្នកកំពុងដើរនៅលើផ្លូវដែលត្រឹមត្រូវ ដូច្នេះសូមបន្ត ការងារនេះទៅមុខ ហើយប្រហែលជាបំណងនៃការផ្លាស់ប្តូរទីកន្លែងការងារ គួរតែរក្សាទុកសិន។ ក្នុងពេលនេះ សូមកុំខ្លាចក្នុងការធ្វើផែនការទៅតាមបំណងដែលអ្នក ប្រាថា្ន ពីព្រោះភាពរឹងស្ទះនានានៅពេលនេះនឹងមិនកើតឡើងចំពោះលោកអ្នកនោះទេ។ អ្នកពិតជាអាចយកឈ្នះ ការលំបាកបានដោយត្រឹមតែជឿជាក់ទៅលើខ្លួនឯង។
ឆ្នាំរោង
សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ រាសីអស់លោកអ្នកថ្ងៃនេះឡើងខ្ពស់ត្រដែត។ សូមព្យាយាមកំណត់ទំនាក់ទំនងរបស់អ្នក ជាមួយមិត្តរួមការងារ និងដៃគូជំនួញ។ បើអាចធ្វើបានសូមកុំចូលរួមក្នុងការប្រជុំពិភាក្សា ទាំងឡាយណាដែលទំនងជាមិនអាចស្វែងរកដំណោះស្រាយបាន។ ផ្ទុយទៅវិញ ប្រសិនបើ អ្នកអាច គ្រប់គ្រងស្ថានការណ៍នេះបាន គឺអ្នកនឹងជួបស្ថានភាពផ្លាស់ប្តូរដែលសំខាន់ៗ និងអាចទទួលបានភាពចម្រើនលូតលាស់យ៉ាងពេញចិត្តជាក់ជាមិនខាន។ ដោយឡែក ប្រហែលជាបំណងក្នុងការផ្លាស់ប្តូរកន្លែងការងារ គួរតែបោះបង់ចោលសិន។
ឆ្នាំមមែ
សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាស្រី។ រាសីអស់លោកអ្នកនៅក្នុងថ្ងៃនេះខ្ពស់ត្រដែត។ ហោរាសាស្រ្តអាជីពសន្យាថានឹងផ្តល់ជូន លោកអ្នកនូវការផ្លាស់ប្តូរយ៉ាងឆាប់រហ័ស។ លោកអ្នកនឹងទទួលប្រាក់ចំណេញច្រើន ចំពោះ អាជីវកម្ម និងជំនួញតូចធំដែលអ្នកកំពុងអនុវត្តនៅពេលនេះ។ ចំពោះលោកអ្នកដែល បំពេញការងារទាំងរដ្ឋ និងឯកជនរំពឹងថាទទួលបានការផ្តល់ជូនឋានៈតួនាទី ឬលុយកាក់ បន្ថែម។ ក្នុងនោះ អ្វីដែលកាន់តែប្រសើរ មនុស្សដែលនៅជុំវិញខ្លួនអ្នកគឺអាចពឹងពាក់ អាស្រ័យបានទាំងអស់ ដូច្នេះមិនគួរមានការព្រួយបារម្ភនោះទេ។ ចំពោះបញ្ហាសេសសល់នា ពេលកន្លងមកគឺអាចដោះស្រាយបាននៅពេលនេះ។
ឆ្នាំរកា
សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។ រាសីលោកអ្នកថ្ងៃនេះឡើងខ្ពស់ត្រដែត។ ក្នុងពេលនេះលាភសំណាងធំនឹងកើតឡើងចំពោះ ភារកិច្ច កិច្ចការទាំងអស់ដែលអ្នកកំពុងតែអនុវត្ត។ លោកអ្នកទទួលបានការវិនិច្ឆ័យដ៏ត្រឹម ត្រូវ ដែលនេះជាកត្តាជំរុញដល់ភាពរីកចម្រើន និងផ្លែផ្កាក្នុងអាជីព។ លោកអ្នកមានលទ្ធ ភាពគ្រប់គ្រងការងារបានល្អ ពិសេសងាយយល់ពីបរិបទនៅជុំវិញខ្លួន ដែលកត្តានេះអាច ជួយឲ្យ លោកអ្នកគេចផុតពបញ្ហាបានដោយងាយ។ ក្រៅពីនេះ សូមកុំខ្លាចក្នុងការសុបិន្ត បើទោះបី ជាចំពោះការងារធំដុំ ឬហេតុការណ៍ដែលអ្នកយល់ថាពិបាកយ៉ាងណាក្តី។
ឆ្នាំឆ្លូវ
សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីអស់លោកអ្នកនៅក្នុងថ្ងៃនេះល្អជាមធ្យម។ ក្នុងថ្ងៃនេះសូមលោកអ្នកព្យាយាមវាយតម្លៃការ ងាររបស់អ្នកឲ្យបានល្អបំផុត។ កុំត្រេកត្រអាលជាមួយនឹងការងារដែលមើលឃើញលទ្ធផល ក្នុងពេលលឿន ពីព្រោះវាមិនអាចសម្រេចទៅបានតាមរូបភាពដែលអ្នកបានឃើញនោះទេ។ សូមចំណាយពេលវេលា និងការតាំងចិត្តជាមួយការងារដែលមានទម្រង់ច្បាស់លាស់ ហើយ អាចទទួលផលបានល្អប្រសើរ បើទោះបីជាត្រូវចំណាយពេលវេលាយូរបន្តិចក្តី។ ក្នុងថ្ងៃនេះ លោកអ្នកទទួលបានអារម្មណ៍ដ៏ជ្រះថ្លា និងគំនិតរស់រវើក។
ឆ្នាំខាល
សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកថ្ងៃនេះល្អជាមធ្យម។ ការងាររបស់អ្នកថ្ងៃនេះអាចទទួលបានផលសម្រេច និង ភាពចម្រើនរុងរឿងបាន។ ប៉ុន្តែក៏ទាមទារការចូលរួមយ៉ាងសកម្មភាពពីសំណាក់អ្នកផ្ទាល់ ផងដែរ។ អ្នកពិបាកនឹងសុំជំនួយពីមនុស្សនៅក្បែរខ្លួន ប៉ុន្តែនេះមិនមែនមានន័យថាអ្នកនឹង ត្រូវសង្ស័យ ឬមិនមានភាពរីករាយចំពោះគេទាំងនោះទេ។ លើសពីនេះ សូមលោកអ្នកយក ចិត្តទុកដាក់ជាពិសេសទៅលើទន្នន័យ ឬតួលេខ ដោយសារលោកអ្នកអាចជួបនឹងការភ្លាំង ភ្លាត់ខ្លះ ដែលអាចប៉ះពាល់ដល់ការងារបាន។ ក្រៅពីនេះ ពិនិត្យពិច័យឲ្យបានច្រើនជាមុន ទើបជាការល្អប្រសើរ។
ឆ្នាំវក
សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកក្នុងថ្ងៃនេះល្អជាមធ្យម។ រាល់កិច្ចការដែលអ្នកប៉ងប្រាថ្នានឹងទទួលបាន ផលសម្រេចជាទីគាប់ចិត្តណាស់។ អ្នកមិនចាំបាច់ត្រូវធ្វើការដើម្បីបំពេញចិត្តអ្នកណាទេ ពីព្រោះផលនៃការប្រឹងប្រែងរបស់អ្នកនឹងតបស្នងយ៉ាងពេញលេញ។ លើសពីនេះ ការងារ របស់អ្នកមិនមានការផ្លាស់ប្តូរណាមួយដែលគួរឲ្យចាប់អារម្មណ៍។ ប៉ុន្តែអ្នកក៏គួរតែ ព្យាយាម បង្កើតទំនាក់ទំនងដែលអាចទទួលបានការគាំទ្រ និងបង្កើតលទ្ធភាព ។ ក្នុងពេលស្របគ្នានេះ សូមកុំបោះបង់អាកប្បកិរិយា និងពាក្យសំដីល្អអោយសោះ។
ឆ្នាំច
សម្រាប់លោកអ្នកដែលមានកំណើតឆ្នាំច នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកក្នុងថ្ងៃនេះល្អជាមធ្យម។ ក្នុងពេលនេះ ការធ្វើទំនាក់ទំនងក្នុងក្រៅជាមួយមនុស្សនៅ ជុំវិញខ្លួន និងចំពោះថ្នាក់លើនឹងជួយសម្រួលការងាររបស់អ្នកយ៉ាងច្រើន។ ដូច្នេះ បើទោះបី ជាលក្ខខណ្ឌខ្លះមិនមែនជាចំណូលចិត្តរបស់អ្នកក្តី ក៏សូមធ្វើកិច្ចការនេះសិនទើប ល្អបំផុត។ ទន្ទឹមនឹងនេះ ការទទួលខុសត្រូវលើភារកិច្ចការងារជាអ្វីដែលអ្នកត្រូវតែធ្វើជាដាច់ខាត។ លើសពីនេះ ការពឹងពាក់ជំនួយពីអ្នកដទៃ គឺអាចធ្វើទៅបាន ប៉ុន្តែមិនត្រូវដាក់បន្ទុក លទ្ធផល ការងាររបស់អ្នកជាមួយអ្នកដទៃណាម្នាក់នោះទេ។
ឆ្នាំកុរ
សម្រាប់លោកអ្នកដែលមានកំណើតឆ្នាំកុរ នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកនៅក្នុងថ្ងៃនេះល្អជាមធ្យម។ ថ្ងៃនេះបញ្ហាហិរញ្ញវត្ថុគឺពឹងអាស្រ័យជាពិសេស ទៅលើការសម្រេចចិត្តរបស់អ្នក។ អ្នកមិនអាចធ្វើការចាយវាយច្រើននោះទេ ស្ថានភាពនេះ ក៏មិនគួរប្រថុយប្រថានដែរ។ ក្នុងនោះអ្វីដែលអ្នកគួរយកចិត្តទុកដាក់ គឺផ្តោតការយកចិត្ត ទុកដាក់លើការងារដែលកំពុងមាននៅពេលនេះ ហើយមិន ចាំបាច់ត្រេកត្រអាលនឹងការ ផ្តល់ជូនផ្សេងៗច្រើនពេកនោះទេ។ ទន្ទឹមនឹងនេះ ការបត់បែនទៅតាមកាលទេសមានសារ សំខាន់ចំពោះរាល់ការងារទាំងអស់។
ឆ្នាំជូត
សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកក្នុងថ្ងៃនេះស្រុតចុះ។ នៅក្នុងពេលនេះមិនគួរធ្វើការចាកចេញដំណើរវែង ឆ្ងាយនៅណាទេ។ លើសពីនេះ ការប្រើប្រាស់លុយកាក់ និងការចំណាយពេលវេលាច្រើន ដោយរំពឹងទុកលទ្ធផលហួសហេតុក៏សុទ្ធតែក្តីស្រមៃ និងប្រទះនូវការខាតបង់ច្រើនដែរ។ អាស្រ័យហតុនេះ សូមប្រើប្រាស់ពេលវេលាដែលមានធ្វើការជាធម្មតា ហើយប្រមូលយកពត៌ មានជាក់ស្តែងដែលអ្នកអាចទទួលបាន។ ដោយឡែក បើទោះបីជាស្ថានភាពពេលនេះមិន មែនស្ថិតនៅខាងអ្នកក្តី ក៏មិនគួរបាក់ទឹកចិត្តដែរ ពីព្រោះអ្នកកំពុងស្ថិតនៅលើផ្លូវដែលត្រឹម ត្រូវ។
ឆ្នាំម្សាញ់
សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ រាសីអស់លោកអ្នកក្នុងថ្ងៃនេះស្រុតចុះ។ កុំធ្វើសកម្មភាពប្រសិនបើអ្នកមិនជឿជាក់ទៅលើ ខ្លួនឯង។ អ្នកគួរចំណាយពេលវេលាគិតបន្ថែម ពីព្រោះភាពមិនច្បាស់លាស់ គម្រោងការ ដែលមិនបានគិតគូរ និងធ្វើឲ្យអ្នកជាប់គាំងជាមួយស្ថានការណ៍បានយ៉ាងងាយ។ ក្រៅពីនេះ ប្រហែលជាអ្នកមិនគួរចាយវាយ ឬធ្វើការបណ្តាក់ទុននៅពេលនេះទេ ដោយសារបញ្ហា ហិរញ្ញវត្ថុតូចតាចអាចនឹងកើតមានឡើង។ សូមលោកអ្នកព្យាយាមបំពេញការងារ ហើយ មិនត្រូវធ្វើអោយមានការភ្ញាក់ផ្អើលទៅដល់មនុស្សរួមក្រុម ឬដៃគូជំនួញនោះទេ។
ឆ្នាំមមី
សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកនៅក្នុងថ្ងៃនេះស្រុតចុះ។ ឥឡូវនេះមិនមែនជាពេលវេលាដ៏ល្អបំផុតសម្រាប់ ធ្វើសកម្មភាពធំដុំពេកនោះទេ។ ចំណាយពេលវេលាអោយបានច្រើនដើម្បីបំពេញការងារ ក្រោមការទទួលខុសត្រូវ។ កុំងាយផ្លាស់ប្តូរគម្រោងផែនការព្រោះការផ្តល់ជូនពីគេ ពីព្រោះ ស្ថានភាពខាងក្រៅក្នុងពេលនេះមិនមែនជាមូលដ្ឋានពិតប្រាកដដើម្បីដើម្បីពឹងអាស្រ័យទេ។ លើសពីនេះ លោកអ្នកមិនគួរផ្តោតការយកចិត្តទុកដាក់ទៅលើមតិរិះគន់ ការមើលបំណាំ ណាមួយឡើយ ភាពស្ងៀមស្ងាត់ផ្តល់អំណោយផលល្អ។
