ឆ្នាំទាំង៤ ឆ្លូវ ម្សាញ់ មមែ ចរ រាសីឡើងខ្ពស់ត្រដែត សូមលោកអ្នករីករាយ ទទួលយកលាភសំណាង និងប្រាក់កាក់មហាសាលចូលក្នុងផ្ទះ រីឯតំណែងការងារនឹងបានដំណឹងយ៉ាងប្រាកដណាស់ក្នុងពេលនេះ

ហោរាសាស្រ្តប្រចាំថ្ងៃសៅរ៍ ទី១០ ខែមេសា ឆ្នាំ២០២១ ត្រូវនឹងថ្ងៃ១៣ រោច ខែចេត្រ ឆ្នាំជូត ទោស័ក ពស​២៥៦៤

ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីលោកអ្នកក្នុងថ្ងៃនេះល្អជាមធ្យម។ ថ្ងៃនេះការគិត និងការសម្រេចចិត្តរបស់អ្នកស្ថិតក្នុងភាពវិជ្ជមាន ​សូមកុំមានក្តីបារម្ភអ្វីឡើយ លោកអ្នកនឹងទទួលបានភាពរីកចម្រើនណាស់ក្នុងការងារ និងមុខរបរ។ លោកអ្នកអាចទទួលបានសំណាងជាច្រើនណាស់ ប៉ុន្តែមិនទាក់ទងជាពិសេសរឿងលុយកាក់នោះទេ។ សម្រាប់លោកអ្នកដែលចង់ផ្លាស់ប្តូរការងារ ឬចាប់ផ្តើមការងារថ្មីណាមួយនោះ គឺអាចធ្វើទៅបានដោយគ្មានអ្វីអាចមករាំងស្ទះនឹងអ្នកឡើយ។ ក្រៅពីនេះសូមកុំជឿទុកចិត្តមនុស្សដោយងាយ ពិសេសមនុស្សសំដីផ្អែម។ សូមប្រយ័ត្នប្រយែងឲ្យបានខ្ពស់។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីរបស់លោកអ្នកឡើងខ្ពស់ត្រដែត។ កុំបារម្ភអ្វីឡើយទាក់ទងនឹងកិច្ចការងារ ឬមុខរបរអាជីវកម្ម  ពីព្រោះលោកអ្នកអាចសម្រេចការងារ និងក្តីបំណងនានាបានទាំងអស់។ ថ្ងៃនេះលោកអ្នកទទួលបានអំណោយផលផ្នែកទំនាក់ទំនងណាស់ ដូច្នេះលោកអ្នកអាចបង្ហាញគម្រោងការងារដែលអ្នកមានក្នុងដៃ ឬអ្នកអាចចាប់ផ្តើមអនុវត្តផែនការដែលអ្នកបានគ្រោងទុក។ ចំណុចសំខាន់ដែលអ្នកត្រូវចងចាំ គឺជៀសវាងភាពរឹងទន្ទឹងមិនស្តាប់មតិយោបល់ជាទោសចម្បងក្នុងថ្ងៃនេះ។ ជារួមក្នុងវេលានេះ អ្នកមានលទ្ធភាពគ្រប់គ្រាន់ក្នុងការគ្រប់គ្រងស្ថានការណ៍ និងមានការយល់ដឹងពីវិធីដោះស្រាយ។  

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។​ រាសីរបស់លោកអ្នកល្អជាមធ្យម។ ថ្ងៃនេះជាពេលវេលាអំណោយផលក្នុងការធ្វើទំនាក់ទំនងជាមួយមនុស្សក្នុងរង្វង់ការងារទាំងអស់ ហើយចំពោះកិច្ចការងារនានារបស់អ្នកនឹងដំណើរការទៅជាប្រក្រតី ​គ្មានផលរំខានអ្វីគួរឲ្យកត់សម្គាល់នោះទេ។ ចំពោះលាភសំណាងរបស់អ្នកមានសញ្ញាណវិជ្ជមាន ប៉ុន្តែវាទាក់ទងនឹងអាកប្បកិរិយា និងវិធីសាស្រ្តរបស់អ្នកក្នុងការឆ្លើយតប។ លោកអ្នកជាមនុស្សដែលអាចសម្រេចការងារបានជាច្រើនយ៉ាងណាស់ ប៉ុន្តែប្រសិនបើអ្នកមិនបោះបង់ភាពឆេវឆាងនោះទេ លទ្ធផលការងាររបស់អ្នកនឹងជួបអវិជ្ជមាន។ អ្នកគួរជ្រើសរើសថានឹងគួរ ឬមិនគួរផ្តោតការយកចិត្តទុកដាក់។

ឆ្នាំថោះ

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីរបស់លោកអ្នកក្នុងថ្ងៃនេះស្រុតចុះ។ ថ្ងៃនេះមិនមែនជាពេលវេលាល្អសម្រាប់ការបណ្តាក់ទុនលើមុខរបរថ្មី ឬការផ្លាស់ប្តូរទីកន្លែងការងារនោះទេ។ ប៉ុន្តែប្រសិនបើអ្នកមិនអាចផ្អាកបាននោះទេ សូមលោកអ្នកប្រុងប្រយ័ត្នសំខាន់បំផុតចំពោះភាពខុសឆ្គងផ្នែកឯកសារ។ ប្រសិនបើអ្នកត្រូវចូលរួមក្នុងកិច្ចពិភាក្សា សូមគិតគូរមុននឹងបញ្ចេញយោបល់ ពីព្រោះគំនិតយោបល់របស់អ្នកអាចនឹងយល់ច្រឡំទៅវិញ។ សកម្មភាពចាំបាច់បំផុតរបស់អ្នកពេលនេះ គឺគួររក្សាស្ថានភាពនានាឲ្យនៅដដែលសិន។

ឆ្នាំរោង

សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ រាសីលោកអ្នកក្នុងថ្ងៃនេះល្អជាមធ្យម។ កិច្ចការងារ និងរបរជូញដូរ មានដំណើរការល្អណាស់។ លោកអ្នកនឹងមានមនុស្សជាច្រើនជួយយកអាសារ និងផ្តល់ពត៌មាន ដូច្នេះបញ្ហាតូចតាចនានាអាចនឹងដោះស្រាយបានដោយងាយស្រួល។ ទោះបីយ៉ាងនេះក្តី សូមកុំបោះបង់ការខិតខំប្រឹងប្រែង សូមបន្តការងារទាំងនោះបន្ថែមទៀត និងត្រូវព្យាយាមអភិវឌ្ឍន៍វិជ្ជាជីវរបស់ខ្លួន។ ដោយឡែក សុវត្ថិភាព និងសុខភាពរបស់អ្នកអាចទទួងរងការគំរាមកំហែងខ្លះៗ ដូច្នេះសូមប្រុងប្រយ័ត្នគ្រប់កាលទេសក្នុងថ្ងៃនេះ។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ រាសីរបស់លោកអ្នកឡើងខ្ពស់ត្រដែត។ ថ្ងៃនេះមានអំណោយផលល្អសម្រាប់កិច្ចការងារទាំងឡាយ ដូច្នេះមិនចាំបាច់ត្រូវបង្អង់សកម្មភាពនោះទេ។  សូមធ្វើទំនាក់ទំនងល្អជាមួយមិត្តរួមអាជីព និងសូមជៀសវាងការនិយាយរឿងដែលគ្មានប្រយោជន៍។ រីមតិរិះគន់របស់អ្នកមិនអាចផ្តល់ប្រយោជន៍ដល់ការងាររបស់អ្នកសោះឡើយក្នុងពេលនេះ ដូច្នេះមិនគួរផ្តោះផ្តង់នាំឲ្យមានផលរំខានដល់ការងារអ្នកឡើយ ទាំងនេះក៏មិនមែនមានន័យថាឲ្យអ្នកបោះបង់ការចូលរួមនោះដែរ គឺត្រូវធ្វើអ្វីៗឲ្យស្ថិតនៅក្រោមភាពច្បាស់លាស់ និងទស្សនវិស័យវែងឆ្ងាយក្នុងអាជីព។

 ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីលោកអ្នកនៅក្នុងថ្ងៃនេះល្អជាមធ្យម។ កិច្ចការងារ និងមុខរបររកស៊ីជួញដូរមានភាពជោគជ័យណាស់ ព្រមទាំងទទួលបានការគាំទ្រយ៉ាងខ្លាំងផងដែរ។ សូមកែប្រែការតុបតែងខ្លួនដើម្បីទទួលបានលទ្ធភាពបន្ថែមក្នុងការធ្វើទំនាក់ទំនងនឹងក្រុមការងារ ក៏ដូចជាមជ្ឈដ្ឋានខាងក្រៅ។ លើសពីនេះ សូមប្រកាន់ខ្ជាប់នូវគំនិតច្នៃប្រឌិតថ្មី ហើយក៏មិនគួរស្ទាក់ស្ទើរក្នុងការបង្ហាញការងារទាំងនោះដែរ លទ្ធភាពរីកចម្រើនដែលអ្នកអាចទទួលបានគឺមានកំរិតខ្ពស់ណាស់ថ្ងៃនេះ។ បញ្ហា ឬជម្លោះអាចកើតឡើងដោយងាយស្រួល ដូច្នេះសូមមានការប្រុងប្រយ័ត្នឲ្យបានល្អ រក្សាភាពស្ងៀមស្ងាត់ និងគិតគូរឲ្យបានវែងឆ្ងាយ។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាសី្រ។ រាសីរបស់លោកអ្នកឡើងខ្ពស់ត្រដែត។ អ្វីៗទាំងអស់នៅក្នុងថ្ងៃនេះនឹងទទួលបានជោគជ័យទាំងអស់។ ថ្ងៃនេះលោកអ្នកនឹងទទួលបានដំណឹងល្អក្នុងអាជីព ព្រមទាំងអាចទទួលបានលាភសំណាងនៅវេលាល្ងាចផងដែរ។ លោកអ្នកទទួលបានអំណោយផលក្នុងនិយាយចរចាជាមួយមនុស្សថ្នាក់លើ ដូច្នេះសូមទាញផលប្រយោជន៍ឲ្យមានអតិបរមាក្នុងវេលានេះ។ ក្រៅពីនេះសូមរក្សាភាពស្មោះត្រង់ និងសប្បុរសជានិច្ច កំហុសតូចតាចបើអាចធ្វើបាន មិនគួរគិតគូរវាទេ។ ចំពោះមតិយោបល់នានាក្នុងពេលនេះ មានប្រយោជន៍បំផុតសម្រាប់ការងាររបស់អ្នក ប៉ុន្តែការទុកចិត្តត្រូវពឹងលើចំណេះដឹង និងបទពិសោធន៍។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីរបស់លោកអ្នកក្នុងថ្ងៃនេះស្រុតចុះ។ ការងាររបស់លោកអ្នកកំពុងមានអ្នកបង្អាក់ទាញមិនឲ្យសម្រេចចេញទាន់ពេលវេលានោះទេ។ ចំណែកអ្នករកស៊ីជួញដូរ មិនទាន់ទទួលបានផល តាមក្តីរំពឹងនោះទេ ចំណែកទុនដែលនឹងចំណាយអាចប្រឈមនឹងការខកខានមួយចំនួន។ សូមកុំអាក់អន់ក្នុងចិត្ត ព្យាយាមកែប្រែស្ថានការណ៍ដោយគម្រោងការងារជាក់លាក់ ហើយគិតគូរមុននឹងសម្រេចធ្វើអ្វីមួយក្នុងពេលនេះ។ សូមកុំផ្អែកលទ្ធផលការងាររបស់អ្នកជាមួយនឹងស្ថានភាពដែលកន្លងទៅ កុំទាញវាឲ្យទៅជាប់គាំងជាថ្មី។ ការជឿទុកចិត្តមនុស្សត្រូវមានកំរិត ហើយក៏មិនអាចពឹងពាក់ការសម្រេចចិត្តរបស់អ្នកដទៃបានដែរ។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។ រាសីរបស់លោកអ្នកល្អជាមធ្យម។ កិច្ចការងាររបស់លោកអ្នកដំណើរការទៅដោយរលូន និងជោគជ័យ។ បន្ថែមពីនោះទៅទៀត អ្នកនឹងបានទទួលការគាំទ្រពីមនុស្សជាច្រើនណាស់ ដូច្នេះចំពោះការធ្វើទំនាក់ទំនងកិច្ចការនានាគឺអាចធ្វើទៅបានគ្រាន់ជំទាស់ឡើយ។ ថ្ងៃនេះលោកអ្នកអាចមានលទ្ធភាពដោះស្រាយបញ្ហា រួមទាំងជម្លោះដែលកើតឡើងផងដែរ។ ប្រសិនបើអ្នកមិនរីករាយជាមួយទំនាក់ទំនងពេលនេះក្តី សូមកុំទាន់ចាប់ផ្តើមទំនាក់ទំនងថ្មី អ្នកមិនគួរធ្វើអ្វីដោយប្រញាប់ប្រញាលពេកទេ ពីព្រោះលោកអ្នកមានពេលវេលាគ្រប់គ្រាន់ក្នុងការសម្រេចលទ្ធផលការងារវិជ្ជមាន។

ឆ្នាំចរ

សម្រាប់លោកអ្នកដែលមានកំណើតឆ្នាំចរ នាមសត្វឆ្កែ ធាតុដី ពង្សយក្សស្រី។ រាសីរបស់លោកអ្នកឡើងខ្ពស់ត្រដែត។ ថ្ងៃនេះអំណោយផលដល់ការពិភាក្សា និងចរចាចំពោះកិច្ចការងារ និងមុខជំនួញផ្សេងៗ។ លោកអ្នកមានចិត្តគំនិតល្អ និងសប្បុរសណាស់ ដែលអាចនឹងនាំលាភសំណាងធំក្នុងចូលក្នុងផ្ទះនាពេលនេះ។ ប្រសិនបើអ្នកមានលទ្ធភាព សូមគិតគូរពីការងារដែលអ្នកទងនឹងអចលនទ្រព្យ ពីព្រោះលទ្ធភាពជោគជ័យមានខ្ពស់ណាស់។ ក្រៅពីនេះសូមប្រុងប្រយ័ត្ន ក្រែងមានបញ្ហាតូចធំនៅក្នុងគ្រួសារ ពិសេសទាក់ទងក្មេងៗ។ លោកអ្នកគួរដាក់ការងារខ្លះ និងគិតគូរដល់ដំណើរកំសាន្ត។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ ​រាសីរបស់លោកអ្នកក្នុងថ្ងៃនេះស្រុតចុះ។ មុខរបរ និងកិច្ចការរបស់អ្នកស្ថិតក្នុងភាពស្រពិចស្រពិលនៅឡើយ ឯដំណឹងនានាក៏មិនទាន់អាចទទួលបានដែរ។ ក្រៅពីនេះ លោកអ្នកមានបញ្ហាប្រឡាក់ក្រឡាច្រើន ដែលរំខានដល់អារម្មណ៍អ្នកជាខ្លាំង ដូច្នេះសូមព្យាយាមដោះស្រាយរឿងរ៉ាវតូចៗទាំងនោះឲ្យអស់ និងទាន់ពេលកុំឲ្យវាបង្ករផលរំខានធំ។ សូមព្យាយាមរកពេលគិតរិះរកមធ្យោបាយឆ្លើយតបបញ្ហា និងកែប្រែស្ថានការណ៍ ដោយប្រើបិទពិសោធន៍ និងចំណេះដឹងរបស់អ្នក។ សូមការពារឯកជនភាពរបស់ខ្លួនអ្នកឲ្យបាន ពីព្រោះសកម្មភាពរបស់លោកអ្នកកំពុងស្ថិតក្នុងចំណាប់អារម្មណ៍របស់មនុស្សនៅជុំវិញខ្លួន។

រៀបរៀងដោយដោ៖ កញ្ញា មាស សុភាព